[愛情無限loop] 就係咁，我做左女神一年既備胎: ２０　阿塔與阿珍

今日個約會就係我死晒機之下完結，唔知阿琪對我第印象點呢？今日出晒醜……我諗都唔多好得去邊……

就係我愁緊之際，我收到阿琪既ＭＳＧ。

阿琪：今日好開心啊（笑）
阿琪：下次再跑過啊，不過你要睇路先好（喊笑）
阿琪：頭先真係嚇死我
阿琪：幾驚你醒唔返

連續既短訊數量，就好似增加緊我追阿琪既決心咁。我好認真咁一隻一隻字咁讀完Ｄ　ＭＳＧ後，就覆佢。



我：我下次會小心Ｄ架拿（喊笑）
阿琪；我同左ＧＲＯＵＰ　Ｄ　人講架拿，應該好快就會加你
我：好啊
阿琪：阿珍佢地想唔想一齊跑架？
我：我問一問
阿琪：好啊

真係日頭唔好講人，阿琪一提阿珍，佢就即刻打左比我。



「喂，死仔今日跑唔跑啊，我想試鞋啊。」我一接電話阿珍就問。
「我頭先跑完拿。」我答。
「再陪我跑。」
「我無所謂，阿塔呢？」
「佢緊係黎啦，但唔知點解佢尋晚都而家有Ｄ怪，好似想問我野，又唔敢問。」

阿珍呢句說話，我心諗一定係阿塔尋晚問我拎阿琪電話件事。

「咁一陣係平時跑開既公園等啦。」阿珍話。
「我整親可唔可以剩係坐，等你地兩個跑完後去食野算啊。」我答。


「可以啊。」阿珍講完之後就收左線。

其實如果阿塔想追阿琪，我唔介意，因為公平競爭嘛，但係佢同阿珍既關係真係有Ｄ唔知點講，究竟佢諗緊咩呢？