[愛情無限loop] 就係咁，我做左女神一年既備胎: ２６３　危險

其實我無諗過阿塔係會問阿珍Ｄ野，我仲以為佢會問我同阿琪Ｄ野，我呆左一陣先答佢：「佢最近既好。」

阿塔聽到我咁講後，點一點頭，而我就問：「你無搵過佢咩？」

今次阿塔佢搖一搖頭話：「佢好似仲ＢＬＯＣＫ緊我，我想搵佢都搵唔到。」

「做咩無啦啦想搵返阿珍？」我問。

阿塔伸左個懶腰，扮晒漫不經心咁話：「無啊，見同佢都咁多年朋友，未想搵返佢睇下佢近排點囉。」



「真係咁簡單？」我又問，而阿塔就望一望我話：「我都唔想就咁簡單既，不過無見一排，無可能一下子去返以前咁ＣＬＯＳＥ嘛，況且我到而家都同佢聯絡唔到。」

「你想同阿珍好似以前咁ＣＬＯＳＥ？定想再一步先？」我問，當然係好語重心長咁問。

「我只望可以變返好朋友已經好好架拿，其他野，等變返好朋友先再講啦。」阿塔回答我既眼神，好認真。

而我見到佢咁認真既眼神，突然諗到一個兩全其美既方法，「我幫你都得，但你可唔可以幫返我一樣野？」

「幫你？」阿塔問，而我就將我今次黎既目的同事情既來龍去脈話左比阿塔知，當然唔係好詳細咁講啦，而阿塔聽到我所講既野，都諗左陣，然後話：「其實呢個Ｂ男咁樣玩火，遲早有一日都玩出事，如果可以幫到你頭先所講既果個女人既話，都係一件好事黎既，放心啦，如果我幫到既我一定幫。」



「有你呢句我就放心。」我話，而阿塔對住我笑左一笑，伸左隻手出黎，示意同我握手，估唔到，過左咁耐，我同阿塔都走返埋一齊，我唔知之後會點，但起馬呢一個握手係我同阿塔既從新開始。

不過，阿琪同先同阿塔所講既野……

「係呢？你同阿琪點啊？阿琪今日都有黎ＷＯ。」阿塔問。

聽到佢咁問，我就答佢：「我見到，不過佢唔係同我黎，係同其他人。」

「我知啊，頭先我都有係度同佢傾左陣。」阿塔話。



「我聽到啊。」我答佢。

「你聽到？你果陣係度？」阿塔用一個好錯愕既表情望住我，「咁姐係我地所講既野你聽到晒？」

「我聽到最後果幾句姐……」點解呢？點解阿塔會係一個錯愕既表情？

「其實頭先我同阿琪係呢度講緊你，我見佢同其他男人一齊黎話，而且行為都幾親密下，所以問佢果個人係未佢男朋友，佢無話係，但都無否應，然後我再問佢同你點，佢就支吾咁講左一大堆無關係既野，講講下仲發我脾氣推開我就走左。」阿塔將阿琪頭先同佢傾計既過程話左我知，然後又話：「阿牛，阿琪呢個女人好危險，我怕最後你會受到傷害。」

剛剛先同佢好返，估唔到又講阿琪既壞話，我都唔知點比反應佢好，但係就係呢個時候，能蟹衝返入黎，「大鑊！ＳＵＮＮＹ同Ｂ男班人打架啊！」

唔係掛！？點解無啦啦佢地會打起上黎架！？