[愛情無限loop] 就係咁，我做左女神一年既備胎: １０８　一個有老牛大人既ＧＲＯＵＰ

就係因為要幫ＣＯＷ，所以我地開左個ＧＲＯＵＰ傾佢Ｄ野，當然入面仲有老牛大人啦，又佢入左ＧＲＯＵＰ果刻起，就係惡夢既開始，因為老牛大人以前好少用電話ＳＤ　ＭＳＧ比人，通常都係直接打電話，但係佢入左ＧＲＯＲＰ，就緊係同我地一樣打字架啦，所以……

「阿仔，我應該點樣ＳＤ　ＭＳＧ出去啊？」

「……你打完，禁旁邊個男色利啦……」

「邊到有男色制啊！個相機制同咪制咋！」

「……你要打左字先出黎架……」



「係架咩！咁撚煩架……哦！係未呢個藍色箭咀制啊？」

「……係啊係啊……」

「真係好撚煩……咁樣先ＳＤ到Ｄ野出去……喂！能蟹仔ＳＤ呢個公仔咁得意既！點ＳＤ架點ＳＤ架！」

能蟹仔，我真係多得你唔少，點解你要開個ＧＲＯＵＰ，點解你要拉埋老牛大人入黎，最重要係，點解果日你要去果個大排檔度食飯，唔去果個大排檔食飯，未唔駛比老牛大人撞到，咁佢就唔會話要幫我地，你就唔駛開左ＧＲＯＵＰ後要拉佢入ＧＲＯＵＰ，最緊要，係唔會煩到我……

而家每日老牛大人都機不離手係度ＳＤ　ＭＳＧ，有時佢有咩字唔識打，就會ＳＤ個語音ＭＳＧ比我問，都唔問已經教左佢好多次部機有得認你講既字幫你打，佢硬係要ＳＤ比我問……



不過，都算同老牛大人多左互動，而且呢樣都算係佢首次接觸而家既通訊設備。

係呢幾日，佢地兩個不停咁傾有咩野ＩＤＥＡ可以做，但好多一係就好老土，一係就好天花龍鳳。

能蟹仔：不如你買層樓落佢名，佢一定感動到濕晒
ＣＯＷ：邊度濕（喊笑）
能蟹仔：眼濕濕（喊笑）
我：你呢個諗法其實都算貼地，但係ＣＯＷ有無咁多錢先
ＣＯＷ：……未有
老牛大人：我條ＩＤＥＡ不知幾ＷＯＲＫ



大家係未好懷疑呢一句呢，其實都唔怪得老牛大人，因為佢剛學打字，所以有好多時候我地討論完一個話題後，佢先會ＳＤ到一個ＭＳＧ黎答返幾廿個ＭＳＧ前既野，而佢話佢個ＩＤＥＡ　ＷＯＲＫ　係講緊同ＪＵＤＹ去郊野公園野餐彈結他唱歌加送花。

我地見到佢ＳＤ左個ＭＳＧ出黎都唔知覆唔覆佢好。

而我係呢個ＧＲＯＵＰ入面既工作，就係打聽ＪＵＤＹ既野，因為平時ＪＵＤＹ都會搵我同阿琪傾下計，當然啦，我無將所有既野都話比佢地聽，我只係講果Ｄ有幫助既野比佢地知。

而最重要既一個情報，就係ＪＵＤＹ搵Ａ男既次數。

其實平時聽ＪＵＤＹ講Ａ男，雖然每次都見到佢愈講個心愈甜，但當問佢Ａ男係咩野人，佢都好直接話Ａ男係……「玩家囉！但又鐘意傷春悲秋！扮撚晒憂鬱的浪仔四圍溝女！比女話果陣扮撚晒自己係受害者！」佢每次都係用充滿怒氣既話氣講呢一句說話。

然後，阿琪就會串佢：「妳講到佢咁差，咁妳仲繼續同佢一齊？」

ＪＵＤＹ好理直氣壯話：「我犯賤囉。」然後大笑左出黎。



聽得出佢呢個笑，係笑中帶淚。

「其實，妳會唔會試下唔搵Ａ男啊？」我問，而ＪＵＤＹ就諗左諗話：「我又諗過架，但係怕自己做唔到。」

我聽到佢講後，笑左笑，如果佢有諗過的話，就得拿，如期等能蟹仔同老牛大人諗Ｄ無用既計仔，倒不如我試下用直常既方式試一試。