[愛情無限loop] 就係咁，我做左女神一年既備胎: ２５２　Ｂ男的挑釁

其實接落黎我同阿琪已經無咩心情跟落去，因為成個腦都係金姐喊既樣，但係能利一直都話要跟，唯有照佢意思做。

唔知算好彩定唔好彩，我地最後都搵到阿銀，而且仲要同Ｂ男一齊，「果個就係Ｂ男。」我同能利話，而能利就用一個驚訝既眼神同我講：「唔係掛，成個大叔咁款ＷＯ，佢咁都溝到女？」

咁佢呢個問題其實我都好想知，只不過我應該無呢個機會問，我地係好遠望住佢地兩個既一舉一動，因為怕太近既話，佢地會發覺，而且Ｂ男認得我同阿琪，所以我地都唔敢行咁近。

但係，見到Ｂ男既所作所為，真係好難忍到唔衝過去打佢，佢不但止對阿銀摸手奏腳，我見到佢地仲好似有食左Ｄ丸仔咁，我雖然無講出聲，但我諗阿琪同能利都見到。

係呢個時候，能利拎左部電話出黎拍佢地，而我見到咁當然阻止，「妳做咩啊妳？」我阻止，係因為阿銀係金姐個，如果呢件事搞大的話，金姐都唔好受。



「我拍得ＳＤ比能蟹姐，又唔係拍得放上網。」能利話，不過我就半信半疑。

半個鐘後，佢地仍然飲緊野吹緊水，而我就一直係度諗，如果阿銀真係跟左Ｂ男返去既話，咁我地下一步應該點做呢？

不過好彩飲到咁上下，阿銀佢自己走先，而Ｂ男好似想留住佢咁，佢將隻手遞係阿銀面前，不過就比阿銀推開左，然後佢仲不明所以咁笑住望住Ｂ男，而Ｂ男頭先果個動作，我好似見過，就係果次佢整暈左阿琪前，佢都有做同樣既動作。

阿銀走左後，我地當然繼續跟啦，不過一落到樓下就唔見左人，「跟甩左添。」能利不憤咁話，我諗今日跟到呢到應該結束，「咁今日不如就咁先啦，而家都咁夜，我送左你地返去先。」

離開既一刻，我望一望身後呢一間吧，見到Ｂ男係一個陽臺望緊我地，舉起隻杯對我笑左笑，而我，就還左一隻中指比佢。



睇黎我地同呢個Ｂ男之間，仲未完。

送完佢地返屋企後，我即刻收到阿琪既ＭＳＧ。

阿琪：真係估唔到果個女人係金姐個女
我：我都估唔到
阿琪：我地見到今晚既事
阿琪：唔好話比金姐知
我：當然啦
阿琪：好耐無同你出去


阿琪：開心
我：傻豬
我：好夜拿
我：快Ｄ訓啦
阿琪：你都係啊

今日見到金姐喊成咁，真係好替佢傷心，好彩ＳＵＮＮＹ係度，如果唔係金姐真係會跪係阿銀面前。

不過經過今日件事之後，我更加想知道呢個阿銀係個點樣既人，以及，Ｂ男之後會同我地發生咩野事。