[愛情無限loop] 就係咁，我做左女神一年既備胎: ５０　為女神你可以去到幾盡

殺氣既來源，係來自艾倫、東尼，仲有既就係呂晨，阿富佢無對我露出殺氣，但係睇得出佢心中係不是味兒。

但阿琪呢個舉動，估唔到會變成以下既局面。

「哎呀！我都比野整親隻腳啊！」東尼佢拎係一袋炭扔落自己對腳度，我地幾個都比佢咁既動作嚇左一跳。

而艾倫就係呢一刻應聲倒地，我地望住佢，驚嚇仲大過東尼果下。

「ＷＥＬＬ……唔知邊位ＬＡＤＹ可以扶一扶我呢？」大定估下艾倫用咩野整到自己傷呢？佢用一綑燒烤叉……係啊！無錯啊！條撚樣竟然痴撚線到用燒烤叉拮鳩自己大脾啊！



我見住Ｄ血直流，腦裡面對艾倫有兩個諗法，第一係好佩服佢既勇氣，第二係……為左女你可以去到幾盡……

望住艾倫咁款，阿琪佢只係呆左咁企左係度，好似嚇到唔知點樣好，而ＪＵＤＹ就係旁邊冷笑，東尼露出一副佩服同今次你贏既表情，呂晨就……點解佢係望住阿琪露出一個狠樣既？而第一時間去幫手既人，係阿富。

「你無事嘛？等我扶……」「你行開！唔係你……唔係，係唔駛你。」艾倫反射動作咁推開左阿富，阿富都呆左一呆，緊係啦，艾倫佢為左要阿琪行過去扶佢，落咁重本點會咁易比阿富破壞到啊。

但係冷笑緊既ＪＵＤＹ好直接咁講左句：「你未撚痴線啦，你咁大年跌左係度我地Ｄ女人點扶你啊，阿富黎扶你你就執到啦，仲唔快撚Ｄ起身做咩啊，仲要比錢啊仆街。」

佢字字鏗鏘咁講左出黎，我相信ＪＵＤＹ講既每一隻字都狠狠地打入艾倫既心入面，咁樣傷左自己，仲唔可以得米，我諗佢內心一定比佢流緊血既傷口更痛。



被阿富扶起左既艾倫心心不忿咁望住ＪＵＤＹ，但ＪＵＤＹ當然睥返佢轉頭話：「衰撚左就唔好望，耷低頭望住自己條撚好過啦。」

ＪＵＤＹ妳講野又唔駛咁直接既……

現場氣氛瞬間尷尬到一個點，我同阿琪對望左一下，得諗佢同我諗既樣都係一樣。

最後係阿富比住錢，我地聽人會同其他人計返比佢，然後拎野方面，除左傷左既艾倫外，我地其他人都幫手拎野，只不過呂晨又用招令到東尼佢幫手拎晒……

而艾倫其實都好可憐下，狗公狗衝唔到，仲要比人踢爆不特指，最慘係賠了夫人又折兵，我地已經勸咗佢好耐，叫佢不如去醫院又或者返屋企，但佢死都跟埋黎。



呢一重心態，唔知係值得佩服，定係悲衰，難道兵就係咁，為博紅顏一望，條命都可以唔要？