[愛情無限loop] 就係咁，我做左女神一年既備胎: ２９０　金銀銅

原來，ＳＵＮＮＹ好中講既ＰＬＡＮ　Ｂ，就係叫阿塔佢打電話投訴呢個場糟，有人買丸仔，所以警察就黎到。

警察一到，分開左男女兩邊，真係呢……全場真係女多過仔……

因為第一場遊戲我飲左果ｄ落左藥既酒，我比ｄ　阿ｓｉｒ　突別安排，不過好彩我解釋後佢地都信我，再加上能利既煩音，佢不停話係佢條仔能蟹比人捉，比馬高威迫上黎，又拎左能蟹既電話比阿ｓｉｒ睇。

而阿銀佢地就因為係佢地身上面搵到有丸仔，所以警察要帶佢返去，金姐聽到後就不停央求，但係，呢ｄ野邊有得央求，要帶返去始終都要帶返去，不過ｄ　阿ｓｉｒ聽到我既解釋後都知最關事既人係比我踢左二十七腳既馬高，所以阿ｓｉｒ都叫我跟佢地返去錄口供。

ＣＯＷ同ＪＵＤＹ仲未醒，所以就安排左佢地去醫院，所以我地分開左兩批人，我、阿琪、藍臣、金姐同ＳＵＮＮＹ、能蟹同能利就去警局，而其他人就去醫院。



馬高係邊？佢比我踢左二十七腳仲點行到，聽ｄ人事後講我知，阿ｓｉｒ係廁所搵到佢，佢下面仲係不停留緊ｄ液體……係ｄ咩野液體，我唔知啦，只係知道果陣佢身邊有大量既藥，口入面都有幾粒，可能果ｄ就係落左係我ｄ酒入面既藥，佢以為食左可以無咁痛掛。

而且經過呢一次後，馬高佢好似無再係夜場出現過，可能係因為佢不停流液體掛。

去到差館，錄左口供後就坐左係一邊，當然啦，通常犯左同一件事既人，都係坐埋一齊等阿ｓｉｒ易做野易ｄ搵人，所以係我身邊既人，除左阿琪佢地，仲有阿銀。

呢一刻，阿銀同金姐坐埋係一齊，望過去，覺得……有少少想笑……因為佢地兩母女，一個左邊臉有膠粒印，一個右邊臉有膠粒印。

一左一右紅都面晒真係好好笑，但係，都要忍住。



就係呢個時候，有個阿ｓｉｒ行左過黎，「師兄，我識佢地，可唔可以比我講幾句？」另一個阿ｓｉｒ聽到後，點一點頭行開左。

而我望一望呢一位阿ｓｉｒ，我唔識佢架ｗｏ，望一望阿琪，佢向我搖一搖頭，再望一望藍臣，佢都搖一搖頭，而阿銀呢一刻就慢慢抬高頭，望住呢位阿ｓｉｒ話：「阿爸。」

阿爸！？我同阿琪不約而同望住ＳＵＮＮＹ，而佢點一點頭後話：「佢就係金姐既前夫，銅ｓｉｒ。」

金銀銅，你地成家人去玩比賽實贏晒啦，頭三夠都係你地。