[愛情無限loop] 就係咁，我做左女神一年既備胎: １００　奇蹟？

訓醒，係自然醒，起身果陣對腳都係好似唔係自己咁，而且隱隱作痛，我拎左部電話一睇，原來仲係好早，再望落少少，見到一個ｍｓｇ後我即刻成個人彈左起身。

阿富，佢終於覆我ｍｓｇ。

阿富：我入左醫院
阿富：今次，係我輸

下！？佢仲咩入左醫院！？而佢話係佢輸左又咩野意思！？我見到阿富覆我ｍｓｇ後，就即刻ｓｄ　ｍｓｇ比阿琪。

我：阿富覆左我ｍｓｇ


阿琪：我都收到阿富既ｍｓｇ
阿琪：佢話佢入左醫院
我：係
我：妳知唔知係邊間？
我：我地一齊去探佢
阿琪：好

即刻起身換衫，行出房見到老牛大人仲同佢ｄ朋友講緊我跑馬拉松ｄ野，心諗，你班朋友對你真係幾好，可以傾咁耐都唔ｃｕｔ你線。

出去，同阿琪買左ｄ野就去探阿富，一路上，我地都好擔心阿富，唔知佢點解入左院，唔知佢有無事，更加唔知阿富既心情係點。



去到醫院，問左護士，好快就去到阿富果間房，見到阿富訓係床上面，一臉既倦容訓緊覺。

「你點啊？」阿琪問。

聽到阿琪把聲既阿富，即刻開眼望一望，「你……地黎左？」可能如果得阿琪一個人黎，阿富會開心ｄ。

「係啊，買左ｄ野比你。」阿琪將ｄ野放係一邊，而我問佢：「做咩事會入院既？」

阿富嘆左口氣，然後話：「我跑到中途，暈左，一醒返已經係著住病人衫訓左係度。」



「點解會跑跑下暈左既？」我同阿琪一齊問。

「其實尋日早上跑前，我已經覺得唔係幾妥，但心諗無事既，可能唔夠訓姐，但原來，我自己感冒都唔發覺。」阿富笑左笑話：「估唔到我咁大個人，感冒都唔知，真係失敗。」

佢講完呢句後，我同阿琪都唔知點樣接落去。

現場，靜左好幾秒，「阿牛，你去洗幾個生果返黎好唔好？我ｄ野想單獨同阿琪講。」阿富話，我望一望阿琪，阿琪都一臉既疑惑，眼神中叫我唔好。

「但係……」本來想拒絕阿富，但見到佢用懇求既眼神望住我，「好啦，你地兩個慢慢。」

洗生果期間，我不停諗唔知阿富會同阿琪講ｄ咩呢？佢會唔會同阿琪表白呢？諗到呢度，我就唔想再諗落去。

洗好，就返去阿富間房，行到附近果陣，見到阿琪係房門到，原來佢係等緊我，佢行到我面前，問我：「原來，你同阿富打賭，係因為我？」



「ｅｒ……」我唔知點應佢好。

「阿富頭先話左我知，話你本身話唔想打賭，話點可以將感情呢樣野黎做一個輸贏，但當佢講話如果佢輸左既話就唔煩我，你就答應左佢個請求。」阿琪好認真咁望住我，好似等緊我答佢。

見到佢咁認真望住我，咁我答佢啦：「……係啊，因為我記得妳先前講過，佢不停咁煩住妳嘛，我見呢個都係一個機會，未去試下囉……」我望住既阿琪，好似有少少淚光，「……雖然我知道我輸硬，但可能有奇蹟發生呢……」我傻笑左一下，然後望一望阿富間房，又話：「但如果個奇積要阿富入院的話，我情願我輸。」

「咁你點解唔話我知你同阿富打賭既內容，係因為我？」阿琪又問。

「咁阿富無講，而我又覺得唔講比妳知會好Ｄ，我未唔講囉。」我答佢。

阿琪聽到我咁講後，笑左笑話我：「傻佬。」佢呢一笑，笑得好甜，「阿富叫你入去，話有ｄ野要同你講啊。」

「哦。」哦左一下後我就入左阿富房，「阿琪話，你搵我。」

而阿富好認真咁坐直個身，同我講：「我輸左。」



佢突如其來既動作，嚇左我一跳，「傻啦，你無輸到啊，今次呢個係突發事情，所以今次既打賭唔算數。」

阿富聽到我咁講後，呆左咁望住我，問：「點解？點解你可以咁大方？」

「下？」我不明所以望住阿富，而阿富又再問多次：「我同你都係鐘意阿琪既人，但係點解你對住我可以咁大方？如果係我，我一定想方法令到你唔接近阿琪。」

我諗再諗就話：「因為我愛阿琪，只要專心一意對住佢未得囉，點解要影響到其他人。」

阿富聽到我既回答，笑左笑又話：「牛兄，我真真正正咁輸左比你。」

「都話無啊，今次既跑步係……」「唔係啊，牛兄，我真係輸左。」阿富好認真咁望住我。

佢咁認真，我無謂再同佢講咁多啦，但都要搵過方法圓場先得，「下次再打賭過，你贏左，就可以繼續追阿琪，咁未得囉。」



阿富聽到後好開心咁大笑，而我，就唔知佢係度笑緊ｄ咩。