[愛情無限loop] 就係咁，我做左女神一年既備胎: ２５８　面上既字

我唔知我最後係點返到屋企，我剩係知道尋晚同ＳＵＮＮＹ以及能蟹傾左好耐，講真，好耐無試過咁開心傾計。

果種開心，係可以講晒自己心中既不快，我稍稍記得，當中有少少係關於阿琪，但我又唔係記得咁清楚。

飲醉既另一朝早，一定有既野就係，頭疼。

我頭重重咁起身，行去洗面果陣係塊鏡到望住自己既樣……我塊面手字又幾好睇ＷＯ……等等！？邊個畫花我塊面！？我即刻睇一睇我塊面上面寫左咩野字，睇完後我個心離一離，我塊面寫住，「食屎啦妳，阿琪。」

邊個ＰＫ寫上去架！？我即刻大大力咁擦走Ｄ字，然後用最快速度拎左自己部電話出黎睇下會唔會搵到有Ｄ咩野線索可以知道係邊個畫花我塊面。



而我一打開個電話，就見到ＷＴＳＡＰＰ多左個ＧＲＯＵＰ，入面有我、能蟹及ＳＵＮＮＹ，而ＧＲＯＵＰ果個ＩＣＯＮ就係我既樣，而且果六個字清楚可見。

我：點解會有張咁既相架！？
能蟹：訓醒拿
能蟹：正唔正啊手字
我：你寫架？
ＳＵＮＮＹ：係我同能蟹送比你架
能蟹：你尋晚睇完仲話好既
我：一定唔會囉
ＳＵＮＮＹ：有片為證



然後能蟹ＳＤ左條片出黎，而條片就係飲醉左既我地，片入面，我係一個好醉，而且能蟹同ＳＵＵＮＹ講咩，我都會重頭講一次，而當中佢地就不停重覆我塊面上面所寫既字。

能蟹：條片真係精
我：未玩啦
我：比阿琪見到我實死架
ＳＵＮＮＹ：你地兩個咩野關係都無
ＳＵＮＮＹ：驚咩
我：……
我：總之ＤＥＬ左佢先啦


能蟹：咁就要睇下你以後既表現拿
ＳＵＮＮＹ：我地已經諗好晒點樣幫阿銀
ＳＵＮＮＹ：以及你地尋晚講過果個Ｂ男
ＳＵＮＮＹ：不過我地就差個人行動
能蟹：我諗而家已經有人會自動做果個行動架拿
我：好……我做……

你地兩條友仔，估唔到你地會借醉行兇，為左地唔好將呢Ｄ野流出，我唯有答應左佢地先。