[愛情無限loop] 就係咁，我做左女神一年既備胎: ８８　練習到瓶頸

跑步變左我每日必然做既事，跑完都會記低我跑步既紀錄，係見到個紀錄每日都進步，但係離阿富既時間，仲差好遠。

點解我會知道阿富既時間？除左先前同阿富跑果陣有留意之外，有一日，佢ＳＤ左一張佢跑完之後既時間比我。

佢果次既時間係，１０Ｋ用左４５分鐘，姐係每Ｋ用４分半，而我，今次既時間，係１０Ｋ用左５５分鐘，５分半跑１Ｋ。

相差１０分鐘，係好大既距離，而且４５分鐘既時間，並唔係阿富最快既時間。

心中開始有少少擔心，我同阿富既打賭，點先可以跑贏佢。



離比賽仲有一個月既時間，仲可以點練先會快Ｄ呢？

「喂，你仲咩係度發夢啊。」企係我旁邊既阿琪拍一拍我。

回神左既我望住眼前Ｄ人，「……唔好意思。」

「到你介紹自己拿。」今日係跑ＧＲＯＵＰ既例會，有時有Ｄ新ＭＥＭＢＥＲ　ＪＯＩＮ　既時候會叫佢地出席呢個例會，認識下新朋友。

「我叫阿牛，你好。」打完招呼既我，繼續沉思緊點樣贏阿富。



「喂……」阿琪又拍一拍我，「果個人好似成日都望住你咁。」我望向阿琪所講既人，係一個男仔，同阿琪講既一樣，佢又真係一直咁望住我，仲要笑住望。

「你係未識佢架？」阿琪問，而我諗左諗後就話：「無印像ＷＯ。」

果個男仔慢慢行過黎，然後同我打左聲招呼話：「好耐無見。」

下？好耐無見？

「唔係掛，唔記得我？你係未讀果條街果個屋村果個樓既樓下果間幼稚園啊？」佢話。



「係啊。」我答。

「咁你係未讀另一條街另一個公園另一個商場旁邊既中學？」佢又問。

「係啊。」我又答。

「記唔記我啊，只要係向某一方向好大力擰把鎖，就可以扭壞佢再打開度門，你要唔要試下。」佢笑住講。

我點會唔記得呢一句說話，呢一句說話係曾經保我貞操既說話：「能蟹仔！」

「係啊！硬頸牛！」無錯，企係我面前既係由幼稚園到中學都同我讀同一間學校既朋友，佢成日都叫人地叫佢做能蟹，我地都問過佢點解，佢就話呢一個字係圍頭話，姐係叻仔咁架。

「估唔到你會撞到舊朋友，咁你同你朋友聚下舊先啦。」阿琪同我講完後就走。

「喂，硬頸牛，你女朋友幾識做ＷＯ。」能蟹仔話。



「佢邊係我女朋友啊！」我好大反應咁講。

「唔係咩，我眼望你地兩個好襯ＷＯ，同埋一望你地都估你地係情侶啦，你地有一股氣場傳出黎係你地兩個係搭上左。」能蟹仔話。

「未咁講啦，人地單身架，比人聽到就唔好啦。」我答。

「單身，咁你快Ｄ去馬啦。」佢話。

已經去左馬啦，只不過唔知等到幾時姐。