[愛情無限loop] 就係咁，我做左女神一年既備胎: ４６　盪失路

日子好快就去到買材料既日子，我地定左打邊爐前一日買少少，然後就當日再買Ｄ新鮮食材……唔好問我點解唔即日買，呢個ＩＤＥＡ係呂晨同果兩個狗公諗出黎，我都阿琪都不停問點解唔即日買。

我地約左去一個街市等，同平時一約，我所有約會一定會早到，但今日估唔到最早到果個人唔係我，而係阿富。

「早晨。」我地約既時間係十一點左右，阿富一見到我就講。

「早晨。」我禮貌性咁同佢講：「其他人呢？」

「未到啊。」佢答我：「剛剛我都問左佢地，但無人覆。」



「你係ＧＲＯＵＰ度問？但係我唔見你ＳＤ過野既？」我問佢。

「無啊，我就咁ＳＤ　ＭＳＧ。」佢答。

然後我睇一睇部機，佢都無ＳＤ過ＭＳＧ比我，但係阿琪就ＳＤ左句野比我話：盪失路（喊笑

我見到佢咁就話：「阿琪又盪失路。」但估唔到我講完呢句後，阿富就即刻ＳＤ　ＭＳＧ比阿琪，以後同我講：「我去接一接佢。」

但佢都未行，我又收到阿琪個ＭＳＧ。



阿琪：阿富知道我盪失路既？
我：我同佢到左，然後我話左佢聽
阿琪：死火，佢話黎接我
我：唔好咩？
阿琪：緊係唔好啦，你幫我捉住佢叫佢唔好黎

我份人不嬲都好直接……除左對住阿琪……我拍一拍阿富，同佢話：「唔駛啦，佢問路就識黎，再唔識佢就會再打黎求救。」

阿富見我咁講，唯有打消左個念頭，然後望住部電話講：「唔識黎又唔同我講，又唔覆ＭＳＧ。」



我望住阿富一臉緊張既表情，再諗返金姐同阿琪先前講過既野，開始發覺阿富有Ｄ唔對路，我唔覺意睇左阿富既電話，原來佢開左佢同阿琪既對話，眼尾見大部份都係……應該話住部都只得阿富既ＭＳＧ。

然後，我收到阿琪既ＭＳＧ。

阿琪：佢又無走到
我：無啦，我叫停左佢
阿琪：好彩姐
我：咁妳識唔識黎
阿琪：唔識啊（喊笑）
阿琪：而家叫你黎接我，阿富一定知係我叫你
我：係架
阿琪：咁點算（喊笑）
我：搵ＪＵＤＹ
阿琪：係ＷＯ



「你同阿琪ＳＤ緊ＭＳＧ？」就係我同阿琪ＳＤ　緊ＭＳＧ之際，阿富問我。

講真，佢咁樣問我都嚇一嚇，唔知點解有種小朋友要出貓唔可以比大人知既感覺。

「係啊，我叫佢搵ＪＵＤＹ，而家有ＪＵＤＹ同佢一齊，你唔駛擔心啦。」我答佢。

但佢露出左一副耐人尋味既樣答我：「好啦。」

嘩……未打邊爐已經咁，打邊爐果下仲得了既。