[愛情無限loop] 就係咁，我做左女神一年既備胎: ２９　阿珍的決斷

我望住部電話好耐，等緊阿珍覆，但一直都等唔到，ＧＲＯＵＰ　果邊就一直有ＭＳＧ，但我無理到，直至，我見到阿琪ＳＥＮＤ　左個ＭＳＧ比我。

阿琪：阿珍ＱＵＩＴ左ＧＲＯＵＰ，佢無事嘛？
我：唔係掛！？
阿琪：係啊，剛剛ＧＲＯＵＰ入面Ｄ人講緊做義工Ｄ野，係度起哄緊，無啦啦阿珍就ＱＵＩＴ　ＧＲＯＵＰ，會唔會因為果Ｄ人太煩？

事情真係有咁簡單咩，我ＳＥＮＤ左個ＭＳＧ去問阿珍，但佢無答，都係打個電話比佢好Ｄ。打左通電話，響左幾下，快Ｄ接啦……

「喂？」阿珍把聲好明顯喊過。
「妳無事嘛？」我問。


「點解？點解佢要呃我……」阿珍喊住話：「佢話對阿琪無意思，但係所有行為都做到對佢有意思，佢點解要呃我，點解要咁做ＷＯ……佢當初仲叫我信佢……佢點解要咁啊……」
我聽到阿珍咁講，都唔知點安慰佢好。
「同佢聖誕節一齊過，佢仲有拖住我隻手，我地仲攬住一齊倒數架，果陣我真係以為我地一齊左……但係點知後黎都係無。」
「你地……」我完全唔知佢地發生過Ｄ咁既事。
「最衰都係我！無啦啦買咩野鞋！唔買鞋未唔會識到阿琪！唔會比阿塔見到佢！咁樣佢就唔會比阿琪搶走！最衰都係阿琪！！！」佢好瀲動咁講：「佢係一個魔女！係一個魔女！！！」
「阿珍，妳冷靜Ｄ先……」「冷靜！？你同阿塔一樣架！剩係識得叫我冷靜！我而家鐘意果個男人比你鐘意既女人搶左啊！」
「但係……阿琪都唔鐘意阿塔。」我講完之後，阿珍靜左幾秒後話：「但阿塔話阿琪鐘意佢，佢地兩個頭先坐車果陣，阿琪仲俟住阿塔架。」
「妳親眼睇到？」我問阿珍。
「無，阿塔講既。」阿珍，妳真係好天真。
「到而家妳仲信阿塔講既野，呢件事好複雜，等我再了解下先。」我話。



「唔駛拿，其實我都好累。」阿珍啜泣緊講：「呢幾年，我同阿塔既關係一直都停留緊係朋友階段，我一直都以為，有朝一日，我同佢可以跨過朋友既界限，進一步，但呢一步，真係好難。」佢停左停，深呼吸左一下又講：「愛一個人好傻，等一個人仲傻，係呢幾年我為左佢，拒絕左幾個追我，對我好既男仔，回想返，佢剩係識得欺負我，但我傻到以為，佢呢一種行為係另一種愛既表達方式，但點解佢仲要比希望我，佢手傳達比我既溫暖，佢比我既擁抱，我一直都覺得好有愛意，但而家呢一刻，我只係感受到無限既深寒，而家既阿塔對於我黎講，好陌生。」

我聽完阿珍講既野後，沉默，因為我都知道其實佢都等左阿塔好耐，而佢咁講後，可能都係一雇種舒發，又或者可以話，係一種解脫。

「咁，有咩事可以幫手既，話我知？」而家既我，可以幫到最大既忙，就係呢一句話。
「當然，你唔好諗住我會消失先得。」佢笑，但我聽得出呢一種笑係帶住哀傷。