[愛情無限loop] 就係咁，我做左女神一年既備胎: １９０　不歡而散

阿珍聽到我果句說話後就話：「係你眼中而家只阿琪既存在，我地呢Ｄ所謂既朋友，你已經睇唔到。」

「唔係我睇唔到，只係我唔想你地再對我果一方面有咁多意見，不竟我追阿琪係我既事，與你地無關。」我回答阿珍既說話。

而阿珍聽到我咁講後，都好似能蟹一樣有少少唔忿氣坐低無出聲，ＪＵＤＹ更加唔知講Ｄ咩野好。

呢個早餐，係咁既情況下不歡而散。

我同ＪＵＤＹ係同一個地方返工，所以同路，返工既路程上面，ＪＵＤＹ同我講：「你為左阿琪同兩個朋友反面，點計都係蝕。」



「我唔係為左阿琪同佢地反面，而係為左佢地多事而同佢地反面。」我答佢，而ＪＵＤＹ就話：「多事？因為佢地影響你對自己既愛情判定發表意見，所以多事？」

我搖一搖頭，「果Ｄ唔係意見，已經去到係叫我選擇佢地既做法，就好似以前我幫ＣＯＷ果陣，我無叫ＣＯＷ做任何野，都只係比意見，因為一個人既愛情，永遠都係自己選擇，從旁既人唔應該幫人地選擇。」

ＪＵＤＹ聽到我既說話後，終於明白我點解會有頭先既反應，「但係，你到唔駛講到能蟹唔係兄弟，只係普遍朋友掛，咁樣好傷佢既心架，佢都好關心你架。」

「有時關心同煩，只係差一線。」我話：「能蟹既事我唔想再講，因為我總覺得遲早一日都要好好睇同佢講清講楚，妳知唔知佢為左證實阿琪係唔適合我，已經做左好多令我睇唔過眼既事而我已經當睇唔到。」

「睇唔過眼既事？」ＪＵＤＹ問。



「佢既行為，ＧＲＯＵＰ入面既人都開始覺得佢對阿琪有意思，甚至連阿琪既朋友都係咁講。」我話左能蟹有晚同阿琪去飲野既事佢知，只見ＪＵＤＹ有少少臉色唔對路，我就問佢做咩事，而佢都老實同我講：「其實，能蟹咁做係我教佢。」

我聽到佢咁講後，有少少怒氣咁話：「估唔到我以為仲有少少識諗既人，會做出咁既事。」

「你唔好咁啦，其實我都有後悔教佢咁做，因為照你咁講，我都覺得能蟹係有Ｄ問題。」ＪＵＤＹ話，但我而家已經聽唔入耳。

「阿牛，對唔住。」ＪＵＤＹ係好少會講對唔住既人，但呢一刻我真係唔想原諒佢，「妳知唔知能蟹有女朋友架，妳咁教佢分分鍾又玩出火架拿。」

「我明啊，但係……」ＪＵＤＹ好似想繼續講落去，但我擺左一副唔想聽落去既表情後，佢就無再講落去。



點解？點解會搞成咁？究竟係我既問題？係佢地既問題？定係阿琪既問題？