[愛情無限loop] 就係咁，我做左女神一年既備胎: ８７　動力既來源

呢次應該算係阿琪第一次嬲我，我應該點哄返佢好呢，我望住部電話，不停睇緊一個精品既網站。阿琪佢好鐘意鬆弛熊，有時同佢行街果陣，佢一見到鬆弛熊就會雙眼發光咁，所以我決定買個鬆弛熊哄返佢先得。

而家上網買野真係好方便，揀好晒連運貸都搞店埋後，ＣＬＩＣＫ個制就比到錢，係等幾日姐，唔緊要啦，呢幾日我盡量唔激親阿琪未得囉。

尋日阿琪約左我跑步，約左係我樓下等，因為佢唔想阿富又無啦啦出現。

「做埋熱身先好跑啊。」佢叮嚀我，而同佢做完熱身後，我地就跑平線跑開既路線。

唔知點解，阿琪今日好似有Ｄ特別，好似心情特別唔開心咁。



同佢跑完步，係小休亭度休息，買左支水，兩份飲。

「妳今日好似有Ｄ唔開心既？」我問。

「尋日阿富打電話比我。」阿琪話。

竟然，聽到佢咁話我緊係問佢啦，「佢打比妳做咩？」

「我無聽到。」阿琪又話：「但佢ＫＥＥＰ住打左好幾次比我，最後好谷鬼氣將部電話校左飛行模式，跟住佢就不停ＳＤ　ＭＳＧ比我。」



「下？佢點解要咁樣做？」我問。

「佢咁做已經唔係第一次。」佢答我，然後嘆左一口氣話：「阿富佢係一個好好既男人，同佢做朋友好開心，但係要同佢進一步就一定無可能。」

「點解……無啦啦講呢Ｄ野既？」我問。

「因為我知道好多ＧＲＯＵＰ　ＭＥＭＢＥＲ已經係背後討講緊我同阿富Ｄ野。」阿琪話：「我好唔想有呢Ｄ事情發生，因為以前我經歷過太多，點解次次我各人示好想同佢做好朋友，到最後都會變成咁樣。」

聽到佢咁講，我唔知答佢咩野好。



「我剩係想好好交朋友，唔想變成咁……」阿琪佢扁晒咀咁望住個地下。

而我，就摸一摸佢既頭，「呢Ｄ事唔係妳問題，唔好將所有事攬晒上身。」

佢望住我，好可憐咁望坐我。

「妳放心，我唔會比阿富再煩妳。」我話。

「下？你想做Ｄ咩啊？」佢笑住問我。

而我，回以一笑後答佢：「秘密。」

呢個回答後，我對周阿富既比賽，更有動力。