[愛情無限loop] 就係咁，我做左女神一年既備胎: １６８　想成為男神的毒男

發生左阿琪既決絕呢件事後，阿富無ＱＵＩＴ　ＧＲＯＵＰ，只係好似失消左咁，從此無再係個ＧＲＯＵＰ講野，又或者係個ＧＲＯＵＰ既ＥＶＥＮＴ出現。

而大家其實都好明白點解阿富好似消失左咁，原因當然係因為阿琪。

阿琪當然知道大家點諗佢，但係佢有可以點做，係大家面前，佢只可以做返一如既往既阿琪。

時間過左唔耐，我、阿琪、ＪＵＤＹ同能蟹有時會一齊約食飯，但係唔知點解，ＪＵＤＹ愈黎愈覺得能蟹衰，能蟹就愈黎愈痴阿琪，而阿琪卻不斷當能蟹係細佬仔咁看待。

真係我們這一家，有時見到佢地三個，ＪＵＤＹ鬧能蟹，能蟹扮喊走去阿琪度，然後阿琪會話佢抵鬧，都幾好笑。



有少ＪＵＤＹ都會話我，點解唔阻止能蟹，再係咁阿琪可能會比能蟹搶走，但我好明白阿琪係唔會睇中能蟹。

不過，ＪＵＤＹ既警告我唔係唔在意，因為，我都對能蟹作出左少少危機意識。

因為，有時能蟹所做出既事，真係有Ｄ問題。

跑ＧＲＯＵＰ又定期有新ＭＥＭＢＥＲ加入，就好似今日咁，又有例會，我同阿琪已經係成日出席既人，而今日能蟹都係度，每個新人逐一介紹後，就開始跑步。

而唔知點解，由頭先到而家，有一個人成日望住我地三個，果個人係個男仔黎，係今日既新ＭＥＭＢＥＲ。



「阿媽，果邊有個男仔成晚望住你ＷＯ。」能蟹口中所講既阿媽，就係阿琪。

「唔想理呢Ｄ人，我只係想認真跑步。」可能因為阿富果件事後，阿琪更加唔想同新既男ＭＥＭＢＥＲ來往。

而我望一望果位男ＭＥＭＢＥＲ，佢又真係成晚望過黎，我地望過去果陣，佢就會回避我地既眼神，咁樣做仲唔係有Ｄ野。

終於，果個男仔有所動作，佢向住我地幾個行左過黎，而能蟹見到佢咁，就話：「阿媽，妳睇下妳又惹左Ｄ狗公過黎拿。」

阿琪聽到能蟹咁講後，望住行過黎既男仔，面帶厭惡，「點解唔可以比我好好跑步ＷＯ。」



而我就叫佢唔好咁燥，佢點一點頭後，就繼續做拉筋既動作，但最後，佢都係忍唔住，行左過去個男仔度話：「你成晚望住晒，究竟望咩野啊。」阿琪係用一個唔好既語氣話。

但係我如能蟹都估唔到，接落黎呢個男仔講既野，竟然係咁，我諗阿琪自己都估唔到，「唔好意思啊，我都唔係望妳，我望佢之嘛。」

下！？咩話！？佢成晚望住我地！？唔係望阿琪！！！！！

果個男仔伸左隻手，指一指我同能蟹，我嚇左一跳話：「你唔會係望住我掛。」

幸好個男仔搖一搖頭話：「唔係啊，我係望佢。」

能蟹聽到個男仔指住佢話望住佢後，露出左一個ＷＨＡＴ　ＴＨＥ　ＦＵＣＫ既表情，而我同阿琪都Ｏ撚晒咀咁望住個男仔，唔撚係掛，唔通呢個男仔係ＧＡＹ既。

個男仔慢慢行近能蟹度，而我則慢慢咁走過去阿琪度，問佢：「妳估呢個男仔……」「我都係咁諗……」阿琪答我。

而家既能蟹好緊張，因為佢身邊一個可以幫到佢既人都無，好少何見到能蟹會咁慌張，直到，個男仔行到能蟹既面前，對住佢講：「你好，我叫七三廿一，你可唔可以教我點樣先做到一個男神啊？」



「下！！！！！！！？」聽到呢個男仔既一句話後，能蟹由緊張既表情變到Ｏ咀既表情不到一秒，而我都阿琪唔知點解爆笑左出黎。

男神！？能蟹又真係幾靚仔，身型都幾高大，又真係有做男神既條件，不過會唔會有人無啦啦問人地教佢做男神啊。