[愛情無限loop] 就係咁，我做左女神一年既備胎: １２０　計劃終止

我同阿琪既計劃係將佢地兩個變為旁觀者，但從來無考量過老牛大人講果句，搞得散既情侶，背後總會一早就發生左問題。

咁……咁佢地既問題好明顯啦，就係兩個人都有個第三者，一個係過去式，而一個係現在式。

大！鑊！了！

「做咩啊咁既樣啊你？」老牛大人問我，而我而家既樣係好似一個做錯事既細佬咁驚慌失惜。

「我諗……」其實我無咩膽量講出晒所有既野，但係最後都口窒窒咁講左比老牛大人知：「我唔知有無搞散到ＣＯＷ……」



我將所有既計劃都話左比老牛大人聽，而老牛大人聽完後，用一個好認真既樣瞪住我，係瞪住，我即時驚到有少少尿意，但估唔到既係，老牛大人大笑得好大聲咁講：「你條友仔既諗法，有幾至諸死地而後生ｗｏ。」

我一副被打敗既表情望住老牛大人講：「未咁啦，我而家已經唔知點做好，如果好似你咁講既話，未就係我搞散左佢地，我未就係你所講果ｄ　ｏｎ撚９囉。」

老牛大人笑住認真地望一望我既野，「坦白講，你幾次架。」

「阿爸！！！」估唔到佢笑得仲大聲。

「好拿，唔玩你拿，你呢個計劃，係幫佢地加速左解決呢件事，無人會知都呢件事解決方法係點，因為一齊返可能係個解決方法，但係可能分手都係一個解決方法。」老牛大人話：「愛情無錯係無公式可以計算，佢亦都唔係是非題，唔係選擇題，唔係Long Question，因為，愛情係唔會有答案，只可以不停解決到最後，無終點，不過有結果。」



「咁……」當我想問老牛大人既問題時，佢就無理我繼續話：「無錯，你已經整散左佢地，要負責，不過唔係對佢地兩個既愛情而負責，因為呢ｄ係關於佢地既事，而你而家既責任，係學識做一個唔會影響到佢地兩個愛情既好朋友，未再做ｏｎ９仔，雖然你係。」老牛大人講完又繼續大笑。

我望住大笑既老牛大人，無奈但又好認同佢既講法。

可能，我對於愛情呢個課題，仲未認識太深。

「阿爸……」我好認真咁問老牛大人：「點解你笑得咁大聲，唔驚嘈醒阿媽咩？」

老牛大人就答：「你娘親佢返左鄉下探親嘛，今日都唔係屋企。」



「唔掛得知你講野咁大聲，又笑得咁大聲啦。」我話，而老牛大人就繼續笑。

今晚就係老牛大人既笑聲下結束。

而另一日，我就約左阿琪出黎，同佢講左老牛大人所講既說話。

「睇唔出世伯講既野咁有道理。」呢個係阿琪聽完我轉述比佢既說話既結論，我用一個妳唔係掛既表情望住佢，而佢就笑笑口咁話：「咁係嘛，佢個仔咁蠢，估唔到佢咁醒識咁多野。」

「妳話我蠢，我嬲妳。」我話。

「你夠膽嬲我咩。」阿琪話。

我用好認真既眼神望住佢然後講：「……唔敢。」而佢就露出一副勝利既笑容。

「但係，唔通我地而家放低佢地兩個唔理啊？」阿琪問我，我幾得我都有問老牛大人，而佢就話：「相信愛情，只要佢地真係想一齊，就會自自然然係返埋一齊架拿。」



嘩……又係呢ｄ緣份遊戲啊？