[愛情無限loop] 就係咁，我做左女神一年既備胎: １３３　美人魚

我用極快既速度衝去泳池，會合既地點已經無人，好正常，因為我都遲左半個鐘以上，佢地應該一早入左去。

入到更衣室，我好快咁換左泳褲，拎左要比阿琪既泳鏡同浮板後，就出去泳池。

因為我係一個大近視既關係，所以我要帶住何有近視度數既泳鏡先見到野，不過，我都見得好清楚，真係多左好多名單上無人名既人，果Ｄ人，仲大多數係狗公添。

不停搵阿琪係邊，好彩，佢有ＪＵＤＹ同金姐既保護，好安全咁係一邊練習緊，另一邊就係比隔絕左既狗公們，佢地只可以從遠處望住阿琪，而阿富，佢扮出一副莫日關心既樣，但係見到佢一直係度偷望緊阿琪。

我都落左水，慢慢行去阿琪果邊，當然仲有拎塊浮板比佢啦。



「咁遲架。」阿琪一見到我就話。

「唔好意思。」我答佢，而阿富原來頭先我落水果一下，就跟住我過左黎，佢同我講：「阿琪佢等左你好耐拿，等到好似望夫石咁不停問你幾時到。」

「下……」聽到佢咁講，應該係講笑掛，我就拎起塊浮板同佢講：「佢等緊我塊浮板姐。」我將浮板比左阿琪，然後就話：「今日最後有咁多人到左既？」

「係啊，可能大家見咁熱，都想去游下水。」阿富答得一副理所當然，不過我見到佢係不停望住阿琪講。

而家既我地係身處一個比較深水既位置，但我係唔熟水性，每次游水都會用十五分鐘熟下水性先，所以就同佢地講：「我去淺水果邊先，你地慢慢。」我係水入永永遠都好理性，因為細個有個不快既陰影。



行到比較淺水既地方，開始準備練下閉氣之際，先知道原來阿琪頭先跟住我後面黎左淺水區。

「妳唔同佢一齊玩？」我問佢。

「我都唔係幾識游水，所以都係過黎淺水區好Ｄ。」佢答我。

「咁又係，妳可以試下塊浮板啊，我就閉下氣先。」我講完後，就開始沉入水入面，當我沉左入水度，望一望旁邊，原來阿琪都沉左落黎，我見到笑左出黎，失左啖氣後上返水面。

「你咁差架，咁快上黎既。」佢笑我，而我當然要還以顏色啦，「比賽，睇下邊個耐Ｄ。」



「好啊，１、２、３……」佢數完三聲後我地就一齊沉落水，係水底既阿琪，係另一種美，佢微笑望住，頭髮除住水流飄起，如果話，呢一刻既阿琪係一條美人魚都不出為奇。

最後，係我快個阿琪上水。

「都話你差架啦。」阿琪笑得好開心咁話。

「係拿，叻拿。」我完後阿琪擺左一個勝利既姿勢。

而呢個時候，一陣起名單上既菜老闆過左黎話：「你地兩個一齊游咁甜蜜啊。」

我不知幾想話係，而阿琪就話：「我地都唔識游水。」

「牛兄，男人唔可以唔識游水架，等我教地啦。」就係咁，菜老闆就開始起教我地兩個游水。