[愛情無限loop] 就係咁，我做左女神一年既備胎: １９７　二人的過去

拾拾過援交！？可能大家年輕唔係果個年代，果陣時把援交，應該就同而家既ＰＴＧＦ一樣，只係個名唔同左。

就係我諗緊點樣覆拾拾既ＭＳＧ果陣，佢已經打左過黎……「你條女打比你啊！」又係老牛大人，然後又係佢比阿媽打既聲。

我接左電話，我未開聲拾拾就話：「是咁的。」睇黎佢想將佢以前既事講比我知。

「我果陣仲細，唔識野又以為自己有幾分姿色，不停用呢個條件去令Ｄ男仔比著數我，甚至去到其中一刻，我決定用我既身體去換取金錢。」佢話，而我就問佢：「妳咁既決定，係未因為等錢用？」

「唔係，我只係覺我果陣Ｄ男人咁易呃，點解我要咁辛苦做野賺錢，而且係做好多年先可以貯到我想要既錢，所以先用身體換金錢。」佢講講下有少少落寞，「可能年少輕狂，又或者唔識諗咁多，而家都有少系後悔。」



呢一句我聽得出佢係打從心底講出黎。

「有邊個無過去ＷＯ。」係啊，呢句野好老套，但係通常老套野都係最ＷＯＲＫ。

「做援交果陣，我見過林林總總既男人，唔用階層既人，有Ｄ月入過百萭既又有，有Ｄ為左同我做一次要貯好耐錢既人又有，直到，我遇到佢。」佢講都呢到就停左停，而我就問佢：「邊個仍？」

「七三廿一。」聽到佢呢個答案後，我只係講左一個字：「ＦＵＣＫ！！！」然後呆左，先前七三廿一話等左拾拾十年都唔同佢一齊，但係原來佢地一開始識果陣佢地已經……

「唔係好似你咁諗。」拾拾已經將我腦海中所諗既情況打斷，「七三廿一佢係唯一一個無同我發生關係既客人。」



「下！？比左錢但唔搞野！？」我口快快將我心入面果句講左出黎，而拾拾聽到都笑住話：「我記得我果陣收佢錢，佢都係咁講，而且，佢仲話我係佢眼中係一位天使，一位截翼既天使。」

估唔到七三廿一咁識講野，而且比錢援交唔搞野咁高尚既情操，真係值得人敬佩。

「你知唔知點解佢叫做七三廿一？」佢無啦啦咁問，然後我就答佢：「唔知啊，係未因為妳唔理佢，『唔理七三廿一』，所以佢先叫七三廿一。」

呢個真係個爛到無我再爛既ＧＡＧ，但係拾拾就笑住話：「可能都係……哈……」佢笑得好大聲，然後就講個答案我知，「因為果陣我都有好多客人，記唔到咁多名，所以就用佢地電話尾果四個字做稱呼，而佢既電話後面果四個字就係七三二一，我果陣就好快快講左七三廿一，然後佢就用左呢個名做佢既匿稱。」

「咁姐係話，呢個名係妳送比佢？」我問，而拾拾就回答我：「係。」



原來呢個名係拾拾送比佢，而佢到而家都一直用緊，如果七三廿一真係想忘記拾拾既話，佢點解唔改另一個名而繼續用？

「就係果一次後，我同七三廿一就做左好朋友，當唔開心既時候就會搵佢，因為佢係我唯一可以放負能量既人，佢每次都好細心咁聽我講我所發生既事，甚至係當我以為遇到真愛既時候，我都會話佢知。」拾拾講到呢度，我就問：「咁妳知唔知佢一早就鍾意妳？」

「知道。」拾拾回答得好直接，而我就話：「但係妳將呢Ｄ野都話佢知，佢未唔開心囉？」

「我明白，我每次都以為我咁講，佢會唔開心後就放棄我，點知佢無，佢仲默默係我身邊等我，直到有一次，我為左一個男人有左ＢＢ，果個男人知道後就叫我落左佢，同埋以後就無再理我，果一刻，我好崩潰，因為我以為果個男人會同我一齊，點知到最後無。」佢話。

「咁然後妳就叫七三廿一陪妳去落仔？」我問，而拾拾說答：「係。」佢既語氣係好理所當然。

「係呢一次後，七三廿一更加照顧我，對我好好，但我開始覺得佢既好變成一種壓力，我要佢等左咁耐，仲經歷過呢Ｄ野，我覺得同佢一齊係害左佢，所以我就漸漸想遠離佢，但係佢既好實在係一種無微不至既毒藥，我真係唔可以一下子就唔理佢，但到最後佢同我表白既一刻，我先發覺原來我繼續出現係佢面前不停接受佢既好先係一種最大既毒藥，所以我拒絕左佢。」又係一種落寞既語氣。

「咁之後佢就想變做一個壞男人，而妳就同左Ｂ男一齊？」我問，又係果一個理所當然既答案，「係。」

「妳咁快可以有一段新既戀情？」我問。



「因為我想七三廿一對我快Ｄ死心，但我到而家先知道，原來我其實一早已經鍾意七三廿一，只係要到失去左之後先知道。」落寞既繼續落寞，又係一段失去左之後先識得珍惜既愛。

失去左先識得去愛，究竟，值唔值得呢？