[愛情無限loop] 就係咁，我做左女神一年既備胎: ５３　反鎖

我地幾個都等左呂晨好一陣……都有成十分鐘，ＪＵＤＹ好似有Ｄ唔奈煩，就話：「仲咩要我地幾個係度等咁耐。」

阿富見到ＪＵＤＹ咁，就係度安撫佢話：「可能佢去廁所呢，女仔去廁所都要Ｄ時間既。」

「我都係女仔，我知道啊。」ＪＵＤＹ好直接咁反駁返阿富，「但係都應該話一話比我地知佢走左去做咩，同埋佢頭先係話去睇係Ｄ野可以放邊度，呢度係佢自己住既，駛鬼咁做啊。」

「咁……」阿富臉有難色咁話：「可能佢執緊位比我地呢。」

講到呢到，呂晨終於返黎，「你地可以將Ｄ野放入廚房先，跟我黎。」



如是者我地將Ｄ野放晒係廚房後就出返黎，呂晨帶左我地去花園度，「聽日我地就係度燒野食。」

呢個花園幾靚，石板地，旁邊有Ｄ花槽種左花，地方其實都算適中，起馬可以裝得落我地聽日燒野食既人有餘。

「ＷＥＬＬ～呢度真係靚，就好似呂晨小姐妳咁靚。」艾倫既低級哄女功又出動，但係唔知點解，今次呂晨不為所動。

艾倫見到呂晨無反應，就不停咁四處張望睇下仲有無法寶，佢見到花槽Ｄ花，正想走去摘比呂晨之際，就比呂晨喝住左：「唔好郁Ｄ花啊！」

全場人呢個時候都望實艾倫。



「Ｄ花係爸爸種，唔好郁佢。」呂晨講完後，艾倫唔好意思咁企左係度。

現場又尷尬起黎……

「喂，有無野飲下啊，好口渴啊，過門都係客，妳比Ｄ野黎飲下都好ＷＯ。」咁直接既說話竟緊係ＪＵＤＹ講架啦。

我望一望ＪＵＤＹ，當佢同我對到眼神果陣，我比左個ＬＩＫＥ佢，「做得好。」

但點知佢話：「屌你啦，我真係口渴要飲水啊。」



哈……原來係咁。

飲完野我地都只係吹左陣水後就散ＢＡＮＤ，而當走既時候，呂晨話送我地走，但當佢行到門果陣，扭一扭個門，發現唔知點解度門反鎖左，佢好驚咁話：「死啦，點算啊，反鎖左啊。」

佢既驚恐引來我地幾個行左過去幫手。

「反鎖左姐，唔怕，等我大大力咁開左佢未得囉。」東尼座好左個馬正準備開門之際，呂晨就喝停左佢：「唔好以！咁樣未整壞度門！」

「屌！反鎖左妳未用鎖匙開返未得囉，呢度妳住既妳又唔係無鎖匙。」ＪＵＤＹ話。

佢又好有道理ＷＯ。

「……又……又係既。」呂晨一臉難言之隱咁，「……咁我去拎啦。」

就係佢去拎果陣，阿琪就同我講：「你覺唔覺呂晨有少少怪？」



我點左點頭，而ＪＵＤＹ都行左過黎話：「我都覺有，好似呢度唔係佢住咁。」

「係囉。」阿琪點左點頭話。

而我比較在意既，唔係佢地既對話，而係望到我地對話，一臉不是味兒既阿富。