[愛情無限loop] 就係咁，我做左女神一年既備胎: ２８７　女人既戰爭

一個本身由男人主導既戰場一瞬間變為由女性主導，所有在場既女都突然間燥狂起黎嘶吼，而企係場中間既果兩位戰士，一個，好享受呢一種比人注目既感覺，而另一個，就好似看透一切咁望住眼前果個人。

前者既係阿銀，後者既係阿金。

「各就各位！預備！開始！」主持人既說話，兩位出拳，唔知係未上天既眷顧，第一拳贏既係金姐，不過金姐只係望住阿銀，然後話：「真係要玩落去？」

阿銀聽到後嗤笑左一下話：「妳未撚ｏｎ９啦，話左玩緊係玩架啦，你地話係未啊！」

「緊係啦！」住場人既回答，金姐既淺笑，佢將手舉高，手慢慢向阿銀塊面慢慢接近，但係，佢呢一巴係一巴遠弱無力既一巴，如其話係巴，不如，話係輕撫仲好。



金姐呢一把過後，全場人都係度笑，阿銀更加笑得好大聲咁話：「妳搞咩撚野啊！睇少我啊！」

而無笑既我地，企係金姐身後，我地好明白金姐呢一個舉動，係因為，阿銀係佢個女。

第二拳，贏既又係金姐，佢同頭先一樣，又係一巴遠弱無力既一輕撫，全場開如喝倒彩，而阿銀又話：「駛唔駛我教下妳點樣打人啊，定係妳頭先無食度啊，打人係要……」「欠妳果兩巴，頭先我就當還左比妳。」金姐突然既說話，令到阿銀將想要講既野都無再講落去。

然後，金姐攝起自己既衫袖話：「跟住落黎我就要妳知道咩野叫做打巴，以及咩野叫做猜包剪揼。」

阿銀聽到後，又係嗤笑，佢覺得金姐所講既野只係嚇佢，但係佢估唔到，當佢下一拳又猜輸，金姐用迅雷不及掩耳既速度打左落阿銀塊臉上面，果種速度係快到阿銀比人打左都唔知咁快，佢呆左望住金姐，而金姐話：「呢個遊戲係妳自己選擇，我而家警告過妳係未要玩落去，而家，我就要比妳知道揀錯野既後果。」



估唔到，金姐發起火上黎都幾得人驚，就咁聽到佢呢一句都比佢既霸氣震壓住，而呢個時候阿琪一直都企係我身邊，佢隻手捉緊我既手臂，點解我知道，因為佢捏到我好痛，睇黎佢都好替金姐擔心。