[愛情無限loop] 就係咁，我做左女神一年既備胎: １５２　唔應機既後果

尋日無應過阿琪既ＭＳＧ，坦白講，訓得唔係幾好，個心好似有Ｄ野放唔得咁，但最後都係訓左。

一早起身，見到阿琪原來ＳＤ左好多ＭＳＧ比我，見到咁，個心其實有Ｄ過意唔去，我打開左佢Ｄ　ＭＳＧ睇。

阿琪：仲同佢地食緊飯啊
阿琪：好想走啊
阿琪：佢地不停係度讚阿富囉
阿琪：又話佢係好男人
阿琪：又話佢係好老公
阿琪：我原全食唔落野啊


阿琪：你做緊Ｄ咩啊
阿琪：做咩唔應人既
阿琪：食完拿終於
阿琪：佢地話仲想去食糖水
阿琪：我講左要返屋企整野要走先
阿琪：阿富死都要送我
阿琪：（喊笑）
阿琪：做咩到而家都唔應人啊
阿琪：訓左？
阿琪：返到家拿


阿琪：頭先阿富又想錫我
阿琪：今次即時閃開
阿琪：然後佢問點解唔比佢拖手
阿琪：我話唔想比未唔拖囉
阿琪：佢好似開始知道我唔想同佢一齊拿
阿琪：頭先佢係樓下同我講
阿琪：話比一個月時間我習慣佢既存在ＷＯ
阿琪：姐係仲要捱多一個月（喊）
阿琪：你係未訓左啊
阿琪：到而家都唔應機既


阿琪：你好少唔應人架ＷＯ
阿琪：係未發生左咩事啊
阿琪：沖完涼
阿琪：舒服（開心）
阿琪：你仲未應人既
阿琪：係未唔舒服啊
阿琪：你見到ＭＳＧ記我覆我啊
阿琪：我會擔心架

見到阿琪ＳＤ咁多ＭＳＧ比我，我係開心既應覺，只係有一種過意唔去既感覺，就好似做錯野既細佬仔一樣，大鑊了！！！阿琪ＳＤ咁多ＭＳＧ我一個都無覆到，我應該點做。

但係，金姐同老牛大人話，要不動而動，以退為進……我係唔可以心軟！我係唔可以心軟！我係唔可以心軟架！！！

不過……阿牛你唔撚係男人黎架，你懦夫黎架，話個唔可以心軟架嘛，你而家做緊Ｄ咩啊，打緊字啊，ＳＤ　緊ＭＳＧ啊，ＳＤ比邊個啊！？阿琪囉……



我：尋日見有少少累早左訓
我：尋晚妳無事嘛？

估唔既係，阿琪即刻覆我。

阿琪：無事啊
阿琪：嚇死我啊妳唔覆我ＭＳＧ
阿琪：而為你有咩事啊
我：傻豬黎既
我：好人好者無啦啦點會有事
阿琪：點解尋日咁累既？
我：做野果度有Ｄ忙

點算！！！！！！我而家係度不停向阿琪講緊大話啊！！！！！個心好過意唔去！！！但我又只可以咁做……



阿琪：咁有無休息夠架
我：有啊
我：妳尋晚好夜先返到去？
阿琪：係啊
阿琪：不過有件事想話你知
我：咩啊？
阿琪：可以叫能蟹唔駛再扮我男朋友
我：下？點解無啦啦咁講
阿琪：因為阿富已經知道左佢係扮
我：點解既？
阿琪：阿富話ＷＯ
阿琪：我同能蟹睇落係有好多接觸
阿琪：但係無咩感情可言
阿琪：明眼人一睇就知係假
阿琪：相反如果係我同你既話


阿琪：佢一定會信ＷＯ
我：（喊笑）
阿琪：佢話我地兩個舉止親密到就黎似情侶
阿琪：叫我如過同佢一齊就唔好同你行咁埋
我：下……佢竟然咁講
阿琪：未係囉
阿琪：而家只要我係佢面前講你既名
阿琪：佢就會嬲架拿
阿琪：所以我而家係佢面前都會不停叫你個名
阿琪：佢有咩野想送比我，我就話牛兄佢已經送左
阿琪：我係未好叻呢
我：你似想我送比妳多Ｄ　ＷＯ（喊笑）
阿琪：你試下唔送（喊笑）
阿琪：罰你唔應我機啊



估唔到扮男朋友呢招最後都係唔ＷＯＲＫ，怪就只怪兩個演員都交唔到戲啦，更加諗唔到既係，阿富佢會因為我而嬲，睇黎我呢排係佢面前都係小出聲為妙。