[愛情無限loop] 就係咁，我做左女神一年既備胎: ７７　冰桶裝住既係

我捉住呂晨隻手慢慢步向廁所果度，而ＪＵＤＹ就跟係我地兩個後面，「加油！努力！」佢呢Ｄ應該就係叫做吶喊助威。

愈近廁所，我地就聽到一男一女係度運動緊既聲音傳出黎，有Ｄ人經過到暗暗嘴係度笑又或者為之則目，而呂晨，就好似開始有少少抗拒行埋去，因竹我感覺到佢Ｄ反作用力，想甩開我隻手。

我係呢個時候話，「避左今次，妳仲想避幾多次？」

呂晨無答我，但係佢無再反抗我。

行到廁所門一打開，我地聽到某廁格傳出一Ｄ聲音，男女既喘氣聲加上呻吟聲。



「好似……有人入左……黎啊……」把女聲一路喘氣一路講。

「唔好理啦……佢識做架拿……」個男人答。

呂晨一聽到把聲，就掩實自己個口，因為佢唔想比廁格入面既人聽到仍既喊聲。

係佢地咁激烈既運動下，我用眼神問呂晨入面果個係未佢男朋友，呂晨點左點頭，係好痛苦咁點左點頭。

我拎左個冰桶去洗手盆到沖水，而呂晨就拉一拉我隻手好細聲咁問：「做咩？」



我無理佢，只係不停咁望住水位不停係冰桶入面上升，好心急等緊水滿，而呢個時候，ＪＵＤＹ好似想嘔咁。

靈機一觸，我關左水喉然後行到ＪＵＤＹ面前話：「想嘔就狠狠地嘔落去啦。」我將半滿既冰筒遞到ＪＵＤＹ面前，再係佢耳邊話：「妳想幫呂晨既話就嘔啦。」

ＪＵＤＹ聽到我咁講之後就肆無忌憚咁嘔。

「出面……有人……嘔啊……」個把女聲係度問。

「邊撚個係人地扑野果陣嘔啊。」男聲好似有Ｄ唔耐煩。



ＪＵＤＹ嘔完，我拎住果桶嘔吐物加半桶水既野行到呂晨面前，問佢：「妳黎定我黎？」

呂晨一臉既猶疑，我無等佢答我，一手將果桶嘔吐物從高而下咁倒入個廁格度。

「啊！」「邊個仆街玩野！」我聽到入面有好急速既著褲聲音，而我再問呂晨：「妳黎定我黎？」

而家喊到唔知點咁既呂晨抿一抿咀，然後拎過左桶嘔吐物，呢個時間，廁門打開，「邊個仆街……」呂晨未等佢男朋友講完，就將另外半桶嘔吐物向佢男朋友塊面倒過去。

「係我啊！仆街！」呂晨大大聲咁對住佢男朋友講，佢男朋友望到我地幾個都呆左一呆。

佢再推開佢男朋友，行到廁格到望住半裸既果位女仔，好大力咁打左佢一巴後，再行出黎望住佢男朋友，「……晨……」「啪！」一下好似轟雷既清脆利落，「分手啦仆街！」呂晨講完就拉住我衝左出廁所。

「哈……抵撚死啊……比女飛又整到成身好撚臭……」傻笑緊既ＪＵＤＹ講完呢句後都比我拉走左。

就係咁，我比左個答案呂晨，而呂晨都將呢個答案話左比佢男朋友知道。