[愛情無限loop] 就係咁，我做左女神一年既備胎: １７７　阿珍的擔憂

「你地兩個做咩坐埋一邊密密傾啊。」能蟹唔知幾時行左過黎，睇黎佢有少少醉醉地。

而我地望一望佢地，原來七三廿一都飲醉左，係度不停原地跳舞，而ＪＵＤＹ同阿珍就無理過佢，兩個係度傾計。

阿琪見到能蟹飲到咁醉，就話：「你又飲到咁？」

「係啊，唔得啊，妳以為妳真係我阿媽啊，管住晒。」能蟹每次飲完後都會亂咁講野同亂咁派錢，但今日我一早就收埋左佢既銀包係我度，所以佢無得派。

見到大家都飲到咁上下，我就話：「不如埋單走啦？」



阿琪點一點頭，而我就向ＪＵＤＹ佢地打左個眼色後，大家就埋單走人。

就係我同阿琪互相講自己初戀既事後，呢次酒聚就結束，未搞清點解阿琪會無啦啦靜晒，唔知七三廿一有無拎到阿珍既電話，亦都唔知ＪＵＤＹ同阿珍傾左Ｄ咩下，咁就結束。

係條街度，我一個男人左一個能蟹，右一個七三廿一……都唔知佢地搞咩，能蟹唔知搞咩每次出黎飲都可以咁醉，而七三廿一我就唔知佢點解不停狂飲酒。

而三個女既就係度幫手截的士，但問題就黎左，六個人，點坐一部的事呢？

呢個時候，能蟹就話：「我無事，我自己可以一個人返去，你地一部啦。」好明顯最有事係你啦而家。



「我都無事……」講野既係七三廿一，但係佢都未講完，仲嘔左。

而呢一刻，阿琪既電話響起，原來係佢堂哥話黎接佢，估唔到個問題就咁解決左。

五個人坐一架車，ＪＵＤＹ坐係前面，而我當然係後面幫阿珍擋住能蟹同七三廿一，我地先送左兩個醉既返去，好左途中都無咩問題，只係七三廿一不停伸個頭出窗度嘔。

因為我、ＪＵＤＹ同阿珍三個住既地方都差唔多，所以我地決定一齊落車行返屋企，而係呢段路程中，佢地問我：「阿牛，你係未仲追緊阿琪？」

其實佢地咁問我覺得一Ｄ奇怪，因為我一直都追緊，而且佢地都應該知。



我點一點頭後，阿珍就話：「你都追左好耐啦，如果阿琪對你有意思既，一早就一齊左啦。」

「無啦啦講呢Ｄ野既？」我問返佢地。

「唔係無啦啦啊，係我唔想我朋友比其他人傷害咋。」阿珍講到成件事嚴重晒咁。

「點會受傷害呢？」我問，而ＪＵＤＹ就笑一笑話：「阿珍，算啦，佢好享受而家呢個關係，話唔聽架。」阿珍咁講我無所謂，因為佢唔知我同阿琪之間發生過Ｄ咩野事，但係點解ＪＵＤＹ都好似幫阿珍講野咁既。

阿珍行到我面前，好認真同我講：「我想問，你到底諗住追阿琪幾耐佢先會同你一齊？一年？五年？十年？」

「呢Ｄ唔係時間既問題……」「呢Ｄ點會唔係時間既問題？」阿珍今日做咩呢？好似處處都想叫我唔好再追阿琪。

「妳係未仲對阿塔件事耿耿於懷？」我問佢，阿珍靜左幾秒後話：「係，如果一個普通既女仔，點會做我出呢Ｄ野？」

「妳地會唔會諗得阿琪太過差呢？其實佢唔係咁架ＷＯ。」我話，而阿珍就答我仲問返我轉頭：「我只係見到，而家我既朋友係度等緊一個比佢情商這好多既人，我唔係話阿琪唔會鍾意你，但萬一佢只係利用你既話，咁點算？」



「佢點會利用我啊？」我問，而阿珍只係笑左一笑反問我：「問心？頭先飲野果張單，係未你埋，佢有無比返錢你？」

佢咁樣一問後，我只可以嘆氣咁望住佢無聲出。

係，阿琪無比返錢我，但係我點都唔會相信阿琪係阿珍口中所講，會利用我既人。