[愛情無限loop] 就係咁，我做左女神一年既備胎: ３５　狹路相逢

約左女神，就緊係快手快腳做晒Ｄ野啦，好快就到約定既時間，攸左成日野本來應該好累，但係知道就快見到阿琪，就鬼打都無咁精神。

到左約定既地點，我仲走到左１５分鐘，而係我等之際，有把女聲係我身後面叫我。

「牛牛～」好嬌嗲既一叫，唔係來自阿琪，而係來自呂晨，從旁既，仲有ＧＲＯＵＰ中狗公其中之一，艾倫。

「咁岩既～你又係度行街啊～」無理我同唔同意，呂晨就撓實我隻手，而我緊係下意識咁鬆開啦，唔係一陣比阿琪見到就死。

「做咩對人咁ＷＯ～」佢扁咀咁話。



「你地兩個行街？」我問佢地兩個。

而狗公……唔係，艾倫佢就ＣＨＯＰ晒樣同我講：「ＷＥＬＬ，呂晨呢位美豔動人既小姐叫到我陪佢買Ｄ運動用品，我無理由推佢既。」

真係呢……呢個艾倫已經有未婚妻，就成日係ＧＲＯＵＰ入面撩女仔，有好多人都話佢成日私下約ＳＥＮＤ　ＭＳＧ叫Ｄ女仔去睇流星雨，但係無人理過佢。

我望住佢，苦笑左下……

「ＷＥＬＬ，我聽到美豔動人既呂晨話今早本身約好左同你跑，但你放佢飛機ＷＯ……」冤枉啊大人，我邊有答應過同佢跑啊。



「係囉～搞到人地喊喊豬……」呂晨一副楚楚可憐既樣望住我，仲督手指添佢……

而艾倫條友就繼續ＣＨＯＰ樣，就伸出一隻手指搖幾搖話：「阿牛，男人唔可以咁無紳士風度架。」

唔知點解，我本身放鬆既手握緊成拳。

而係呢個時候，阿琪出現左，「……咁岩啊……」佢見到呂晨同艾倫兩個，露出左一副唔多好既表情。

而艾倫……「琪琪～」頂！邊個比你叫到咁親熱架！我都未敢咁樣叫阿琪啊！如果而家真係裝條狗尾係你屎忽到！你一定擺到唔知咩咁啦。



阿琪見到艾倫咁叫佢，好尷尬咁打左下招呼，然後行到我身邊，好細聲咁問：「點解佢地兩個會係度架？你叫架？」

「無啊，我都係咁岩見到佢地乍。」我答。

「阿琪，妳又行街啊？」係，無錯，呢句係呂晨講既野，佢同男與女講野係有好大分別，對住男佢就會嬌嗲，對住女人佢就睬你都有味……

「係啊，諗住去買跑鞋姐。」阿琪微笑咁答仍，阿琪真係一個好有禮貌既女仔。

「原來琪琪都係睇運動野啊，不如一齊。」艾倫佢好快就講左出口。

「唔……」講駛字都未講，艾倫就推住阿琪走左，剩返我同呂晨。而我見到，呂晨望住阿琪既眼神，係好似遇到勁敵一樣。

「喂～你唔理我拿～」嬌嗲一出，艾倫呢隻狗公軟晒……我係指心軟。

「係係係……」佢 烚熟狗頭咁行左過黎，差左無伸條利乍佢，「……美豔動人既呂晨，呢邊請。」



我就係呢個時候行返阿琪身邊，然後問佢：「妳無事嘛？」

「無事……仲諗住今日可以好好睇下鞋添。」佢扁咀咁望住我。

「唔怕啦，我係度，我會保護你嘛。」我傻笑咁講。

「咁又係。」佢笑一笑咁答我。