[愛情無限loop] 就係咁，我做左女神一年既備胎: ２３　跑ＧＲＯＵＰ的風氣

係個跑ＧＲＯＵＰ　一個星期，ＪＯＩＮ過佢地兩次ＥＶＥＮＴ，已經覺得呢何ＧＲＯＵＰ唔只跑步咁簡單。

仲記唔記得先前係我ＪＯＩＮ　ＧＲＯＵＰ　果陣有無起哄既會員３、會員７及會員Ｎ，佢地好明題顯地係ＧＲＯＵＰ入面既獵手……呢個係我美其名咁話佢地，好多人都話佢地係，狗公。

而佢地獵物係邊個？上次入ＧＲＯＵＰ果陣，阿琪一講野佢地就即刻起哄，可想而知就當然係阿琪啦。

當然ＧＲＯＵＰ　入面都有Ｄ正常既人啦，而我都揀左同班正常既一齊跑，而果班獵手……好自然咁自成一角，而且都係吹水多過跑。

而阿塔佢，當然就同我一齊去左正常果堆度，不過……阿琪有時都可停咁話我知阿塔日日都有ＳＤ　ＭＳＧ比佢，整到阿琪都唔知覆唔覆佢好，佢話ＷＯ，整到有時跑步見到，面對面果陣怕尷尬ＷＯ。



阿珍當然都有跑啦，而佢亦都有比班獵手圍，當然就無阿琪咁跨張。

我終於明白阿琪果日話似Ｄ你就知有幾煩係咩意思，係真係好煩，而且阿琪話我係佢既朋友，所以班獵手對我都唔係幾客氣，我有時係個ＧＲＯＵＰ　一出聲就比佢串。

阿塔就仲勁，佢就好似擺度明想追阿琪咁，只要阿琪一講野既地方，就會有阿塔既出現，係呢一個星期，阿珍多左同我抱怨阿塔Ｄ野。

阿珍：呢排阿塔有無搵你啊？
我：無咩啊？仲咩咁問
阿珍：佢呢排好似唔多覆人咁，搵佢有好多時唔應機
我：唔係掛，你同佢吵交？


阿珍：邊有ＷＯ

其實阿塔唔理阿珍，我知道係關阿琪事，因為每次阿塔一搵阿琪，阿琪都會話我知，而且佢都有問過阿塔係未同阿珍一齊，我都如實講左佢地兩個之間既野比佢知道。

而我只希望，阿塔同阿珍之間，會慢慢好返，但我呢個諗法原來係好傻，因為事件既爆發點，係有一場義工既約會開始，在內既人，有我、阿塔、仲有阿琪……