[愛情無限loop] 就係咁，我做左女神一年既備胎: ３０６　ＪＵＤＹ的炮轟

就當我沉醉係與阿琪既回憶之際，身後面有一陣古惑既氣息接近，到我下意識想向後望一望係ｄ咩果陣，一個手掌已經打左落黎，「牛兄！做咩係度發吽哣！」

係ＪＵＤＹ個衰妹，因為我咁岩轉左個頭望佢，本身佢想拍落我後尾枕既果一巴正正咁打落左我塊面上面。

仲要係好大力！係好很大力！真係好很大力啊！

我成個人飛跌左係地上面，隨著感覺到面上灸熱感覺，我慢慢撐起自己企左起身，望住果個竟然面無表情既ＪＵＤＹ，佢仲好夠膽死問我：「你攪完笑未啊？」

我聽到果刻真係想衝上去大巴大巴咁昇佢。



正當我想破口大罵佢之際，佢一個問題令我即刻無力，「無同阿琪一齊咩？」

就係咁簡單既一句就可以打沉我，我坐返係本身坐既既石椅上面，而ＪＵＤＹ就好好奇咁坐左過黎，好得意咁問：「係未發生左咩野事啊？話我知，話我知。」

呢一刻既我只係覺得佢好煩厭，但係天下間有咩野可以敵得過想知八掛既女人？佢地想知，真係可以用盡方法架……

最後我只可以死死地氣話左少少少少少少比佢知，不過同我想像中既結果一樣，佢一聽到後就話：「唔撚係啊！你想為左果個阿琪做一個好重大既決定！？」

「ＪＵＤＹ小姐，呢個公園得我地兩個，可以唔駛咁大聲架……」因為佢頭先既聲浪係可以傳達到整個屋苑。



而ＪＵＤＹ就好認真咁望住我話：「阿牛，其實你為左佢已經做左好多野架啦，但係點解佢都未肯同你一齊，其實你自己都知道架，佢係未真係值得你為佢做到咁先？」

我望住ＪＵＤＹ好認真咁點一點頭。

而佢，就只係嘆左口氣。問我：「果個係咩野決定？」

痴線既，無話佢知佢已經咁大反應，話左比佢知後仲得了既，今次死都唔話佢知。

「係未佢要你用錢養佢？」「佢肯既話我又唔拘啊。」



「佢無理由向你迫婚掛，你唔值得啊。」「係妳眼中我係ｄ咩……」

「唔通……佢想妳滿足佢某樣既需要！？」「妳思想真係污糟！」「我講緊食量啊……」

ＪＵＤＹ估左好多都估唔中，而我都比佢煩到個腦實晒，想避開佢都避唔到，直到，佢好語重心長同我講：「阿牛，講真我真係咁佩服你，其實你都有眼見，我地成班朋友有邊一個真係支持你繼續追阿琪先得架，不過你仍然可以繼續堅持自己既想法行事，雖然可以話係你死牛一面頸，但係呢一種堅持，如果用係其他地方，可能仲好。」

「妳意思係其他女仔？」我問。

但ＪＵＤＹ佢反左一下白眼話：「阿牛……你腦入面係未只係得女人啊……」