[愛情無限loop] 就係咁，我做左女神一年既備胎: １４　打從心底咁笑出黎

最後我都係無比個電話阿塔，而當阿珍出黎果陣，我都無同佢講話阿塔問我拎電話，因為我知咁樣做係多事所謂，我亦無謂發起紛爭。

但係，見到眼前阿塔同阿珍，佢地兩個成日糖黐豆，係人地眼中佢地已經係準情侶，不過佢地兩個永遠都唔肯再踏出多一步。

可能，呢Ｄ就係最遠既距離。

就係我跟住佢地兩個身後果陣，阿琪又傳左短訊比我。

阿琪：你聽日會唔會跑步架？
我：會啊，不過聽日星期六，可能唔會咁早去跑。


阿琪：咁會幾點？
我：我諗大既１０點左右啦。
阿琪：咁不如聽日一齊跑步好唔好啊？

佢咁樣問，我緊係應成都黎唔切啦。

我：好啊。
阿琪：咁係邊等？
我：就係我成日見到妳果個公園啦。
阿琪：咁姐係邊個（喊笑）？


我：有兩大個足球場果個。
阿琪：原來係果個，好咁聽日見啦，好夜我去訓先拿，你返到去都早Ｄ訓。
我：知道拿，晚安
阿琪：晚安

點解呢？點解我感覺到，我而家口部既肌肉好似不停咁令到個口張開咁，唔只張開，而且咀角仲各上緊，原來，我一直都打從心底咁笑出黎，由頭先到而家，我個咀就未合埋過。

呢種感覺，真係好開心，好開心。