[愛情無限loop] 就係咁，我做左女神一年既備胎: ２０１　未ＲＥＡＤＹ

今日算係盡興而歸，大家食完飯就各自歸家，ＪＵＤＹ有ＣＯＷ送，拾拾就同七三廿一同路所以佢送，阿珍就有好多ＧＲＯＵＰ　ＭＥＭＢＥＲ爭住送返屋企，而能蟹就要返去陪女朋友所以走先一步。

而我就同平時一樣，送阿琪返屋企。

係呢條路上面，其實已經充滿住我同阿琪既回憶，每次同阿琪一齊行呢條路都有傾有講，今次都唔例外。

「好耐無試過今日咁齊人，同食得咁開心。」阿琪話，佢仲諗緊頭先食飯既情境。

「係啊，真係好難得。」行係佢身邊既我話。



「其實拾拾都幾好啊，不過係估唔到原來佢就係七三廿一以前追過既女仔。」阿琪話。

「確認左我既諗法果我都唔係好相信，唔通呢個世間上就係有緣份呢樣野。」我話。

阿琪聽到我咁講後，笑左笑話：「唔知呢？」

緣份？唔知係未緣份將我同阿琪拉埋一齊呢？

就係我咁諗之際，緣份同我玩左一個作弄般既遊戲，阿琪因為貪玩行左上石壆上面，而一個唔小心，「哎呀……」上天係想用緣份將我地拉埋一齊？



我即刻上前抱住左阿琪，而呢一刻，我同佢四目交投，我地既相眸從來都未試過咁近，相方都感覺到大家既氣息，佢身上面微熱，我諗我都係，唔知係因為頭口跑完步之後所致，定係而凡我兩個緊抱左一齊？

我決定嘗試大膽Ｄ……

我用手輕托住阿琪既下巴，慢慢將我個嘴迎上……

「阿牛，我未ＲＥＡＤＹ好啊。」就係呢一句說話，令我大膽既心情停左。

我地拉開返距離，「對唔住。」呢個對唔住係我講既，而阿琪聽到後，就輕打左我個頭一下，我不解望住佢，而佢就話：「係罰你心急。」



我笑左笑，然後佢就話：「我地來日方長，總有一日……」阿琪又笑左笑，然後又企人係石壆上面，慢慢向前行。

「妳小心Ｄ啊，傻豬。」我衝口而出咁叫左阿人傻豬，但估唔到阿琪會應我：「知道拿，不過有事都有你接住我啦。」

如果緣份伙係想拉埋我同阿琪既話，希望下次係阿琪已經ＲＥＡＤＹ好既時間啦。