[愛情無限loop] 就係咁，我做左女神一年既備胎: ４２　歡樂的時光

接落黎呢一個星期我每晚都會同阿琪一齊，去行街、睇鞋、去超級市場買日用品同零食。我發覺阿琪都好師奶仔，好少可見佢同其他人講化妝既野，甚至係一個女仔扮靚既說話都好少同人講，但只要係講邊度有得食，點煮果件野先好食，邊度D食材平，佢就可以好多野講。

所以漸漸地我都會直接叫佢做師奶仔，而佢聽到我咁叫佢都好受落。

每一晚同阿琪既快樂時光，都令到我成個人傻笑得好嚴重，嚴重到係果種幸福係旁邊既人一睇到就知。

今晚，我就同阿琪買完野後同佢食埋糖水先返，又係食到個人傻下傻下咁返家，傻笑住咁開左度門，然後……

「都叫你個死仔咁夜返黎就細聲Ｄ啦，嘈成你娘親啊。」阿老牛大人又無啦啦係我身後出現。



「老牛大人，你下下咁係我後面嚇我，我會嚇死架。」我無佢咁好氣咁講。

「係咁容易嚇死就好，未晚晚見你傻下傻下咁款，點解呢排，成日同女仔去街啊。」老牛大人，唔係一出夜街就係同女仔去既，不過我又真係晚晚同阿琪去街。

「你未咁多事啦。」我笑住咁講。

「笑得咁淫賤一定係同女仔去街啦。」老牛大人用理直氣壯既語他講。

「咩野淫賤啊又……」我無奈咁望住佢。



而佢唔知係度搵緊Ｄ咩，直到搵到個袋仔後，遞比我話：「拎住防身啦。」

我接過左個袋，然後望一望入面問：「咩黎架？」

就係我見到係Ｄ咩果陣，老牛大人就話：「避孕套啊！搞野果陣記得帶啊！」

我聽到老牛大人咁大聲，就叫佢：「未咁大聲啦你……阿媽訓左架……」

「你娘親一訓就好難先醒架啦，駛咩驚。」咁你又叫我唔好咁大聲嘈醒阿媽……



我扔返Ｄ避孕套比老牛大人，然後佢話：「仲咩啊？唔要啊？自己有？」

「邊有阿爸叫自己個仔帶備避孕套同人去街架……」我又好無奈咁話。

「又係ＷＯ，我想抱孫應該叫你中出人地架ＷＯ。」「老牛大人！」

老牛大人聽到後大笑左幾下話：「咁就試到你係同女仔去街啦。」

「你……你未理啦，夜拿，去訓啦。」我推住佢入房。

「我起身痾夜尿啊死仔，你比我去埋先啦。」老牛大人講完就急急腳行去洗手間。

年紀都咁大就咁健步如飛，而且……我望一望個袋避孕套，都唔知好嬲定好笑好，而係呢個時侯，有個短訊響起，我睇一睇，係一個新群組既ＭＳＧ，呢個群組係未見過，我諗我係比人拉人去。

金姐：去打邊爐好唔好啊？


呂晨：好啊～我最鐘意打邊爐（心心眼）
艾倫：ＷＥＬＬ～想去邊間？話我知
阿富：我加左阿牛入黎拿

呢幾個係我入左個ＧＲＯＵＰ後見到個ＭＳＧ，我開一開呢個ＧＲＯＵＰ既ＳＥＴＴＩＮＧ　睇下有Ｄ咩人係入面，大部份都係我識既人，但有幾個狗公係入面，仲有，阿琪都係入面，然後，我收到阿琪既ＭＳＧ。

阿琪：你入左ＧＲＯＵＰ拿
我：係啊，好似係阿富加我
阿琪：好野，係我叫佢加你架

我望住部電話係度傻笑，而唔知幾時，老牛大人原來係我旁邊，望住我睇住部電話，「慘拿，生左個傻仔出黎……」

「夜拿返去訓啦……」我無奈咁望住佢。

「知拿……」老牛大人慢慢行入房，「記得拎Ｄ避孕套啊，一次用一個好拿。」



「痴線，留返你同阿媽用啦。」我笑住反駁。

「你呢句先痴線。」老牛大人笑笑口講。