[愛情無限loop] 就係咁，我做左女神一年既備胎: ５２　小花園

我地幾個人夾手夾腳拎Ｄ野去呂晨屋企，而我拎既途中，就問左大家一個問題：「打邊爐就話可以係屋企室內打姐，燒野食應該去戶外架ＷＯ，咁係未唔去呂晨屋企，去搵位霸爐啊？」

一行人呢個時間比我咁樣一問後，停低晒，望一望我後再望實呂晨，而呂晨好突然間比咁多人望住緊係好開心啦，「耶～你地做咩咁樣望住人姐～」

「耶～妳發小陣姣得唔得啊～問妳野妳答左先啦……」ＪＵＤＹ扮可愛咁問佢。

呂晨扁嘴一副諗樣，然後話：「咁唔係室內既話～未室外囉～係我屋企個花園燒未無問題囉～」

「ＷＥＬＬ～原來呂晨小姐屋企有花園咁好架～不往我想食妳……唔係，嘗識妳。」艾倫你傷左就唔好咁多野講啦。



「都係而家先知呂晨屋企有個花園咁好架ＷＯ，咁係花園健身未好正囉。」東尼……你可唔可以比你Ｄ肌肉休息下。

而ＪＵＤＹ聽到佢咁講，行左去我旁邊問我：「咩呂晨係有錢女黎架？」

「我點會知。」我答佢，而阿琪都行左過黎話：「一陣去到呂晨屋企未知囉。」

一路行，一路行，我地走到一個貴價路段既地方，而呂晨就係呢個時候話：「就到架拿～」

佢呢一句就到後既五分鐘，我地去到一幢西式洋房前，「一陣你地入到去，記住除鞋，我爸爸媽媽好鐘意乾淨，好怕比人整污糟Ｄ地方。」呂晨好難得地好認真咁講。



佢拎左把鎖匙出黎，好論盡開左門後就帶左我地入去。

呢幢係一幢有三層高既洋房，「呢度全幢都係妳既？」阿富問。

「唔係我，係我爸爸架。」呂晨正正常常咁講野未幾好，「你地將Ｄ野放低先，我好睇下Ｄ野應該放係邊度好。」

唔知係未呂晨返到自己屋企，所以無再扮可愛，而係用正常聲音講野呢？

而我地一行人就企左係個廳到，等待呂晨話我地知Ｄ野放係邊。



「佢屋企都幾靚。」阿琪係我旁邊話，而我就附和佢講：「係啊，好大間。」

阿琪笑左笑話：「我係話好靚，唔係話大間啊，你點聽我講野架。」

我傻笑左回應，而ＪＵＤＹ呢個時候都話：「原來係有錢女黎既，估唔到皮膚可以咁好啦，一定用好多錢係保養上面。」

而艾倫同東尼，望到呂晨既屋企之後，就好似流晒口水咁討論話：「呂晨人又靚，又有錢，追到佢就發達。」

「係啊係啊，財色兼收未就係咁。」佢地兩個烚熟狗頭咁話。

ＪＵＤＹ見到佢地咁，反左反白眼話：「就算係，都唔關你地兩個事啦，一個結左婚有個女，一個就有個未婚妻就結婚……」講講下，ＪＵＤＹ慢慢收聲，因為佢好似醒起，呢個其實係我、阿琪同佢圍內三個人先知既秘密。

阿琪聽到ＪＵＤＹ咁講後，已經輕拍佢手臂，而我就呆左咁望住佢，做唔出Ｄ咩野反應。

但艾倫同東尼好似比人知道左佢身勢之後無驚之餘，仲竟然話：「愛情呢樣野好難講，可能呂晨無啦啦鐘意我都未定呢。」



如果真係好似佢地兩個咁講既話，都唔知係佢地害左呂晨定佢地會比呂晨玩死。