[愛情無限loop] 就係咁，我做左女神一年既備胎: ２７４　一齊上路

就同老牛大人所講既一樣，媽媽今日煮左好多好西，我食到飽晒捧住個肚，然後，我好早就出左門口，老牛大人係我臨出門口，就叮囑我小心Ｄ，唔知情既媽媽就話我咁大過，識自己照顧自己，而老牛大人就笑笑口話：「希望啦。」

我出左門，拎左部電話出黎睇，先睇既係阿琪有無ＳＤ　ＭＳＧ比我，到而家佢都好似無咩動靜，我諗佢阿爸應該又收起左佢部電話。

然後，我就開左個ＧＲＯＵＰ，見佢地ＳＤ左個時間同地點，睇黎大家都想約埋先去。

我、ＣＯＷ、ＳＵＮＮＹ、七三廿一同阿塔，男子組有我地呢五個人。

金姐、ＪＵＤＹ、阿珍、呂晨、拾拾同能利，女子姐就有六個人。



我地一行十一個人，剛剛好成隊足球隊陣容，約左係一間茶餐廳到等，大家雖然不停咁講野同傾計，但睇得出，每個人心入面都有一種擔心。

阿塔係我地當中係比較特別果個，因為我地叫佢做無間度，所以馬高有咩行動，我地大概都會知道，如同佢所想，今日馬高都叫左人帶左Ｄ丸仔去，係咩野丸仔就唔知，但係佢都叫我地小心，因為馬高呢一個人，好陰濕。

「其實我唔明，點解馬高咁多錢搞呢Ｄ野，唔搵人幫手下下都親力親為咁既？」ＳＵＮＮＹ特然間問左阿塔呢舍問題，阿塔就笑笑口話：「我點知啊，Ｄ有錢佬諗既野係咁怪架啦。」

我地叫阿塔早Ｄ去，因為一來驚馬高見到我地一齊到，會知道阿塔識我地，二來叫佢早Ｄ去，係想佢可以早Ｄ話我地知今晚上面咩野情況。

阿塔走左之後，阿珍就坐左過黎問我：「阿塔……信得過？」



佢呢個問題，我又真係無諗過，所以我答佢：「唔知啊，不過到而家呢個地步先諗呢個問題，會唔會自己嚇自己呢？」

「咁又係……不過估唔到會咁樣同佢撞返姐。」阿珍話。

「佢有無私下搵過黎？」我問佢。

「唔知啊，就算佢搵我，我都無應佢。」……咁姐係有啦。

「經過今次件事後，你會唔會比個機會阿塔佢，做返朋友啊？」我問。



阿珍諗左諗，然後答我：「完左呢件事後先講啦。」

同阿珍傾左陣後，阿塔ＳＤ左個ＭＳＧ去個ＧＲＯＵＰ度，全部都係相，而果Ｄ相就係上面既情況。

「今日果度都好多人下。」ＳＵＮＮＹ話。

「嗯，而且好明顯，女多過仔，而且女既比例仲要好多添。」ＪＵＤＹ話。

然後，直到有一張相係影到馬高個樣，ＪＵＤＹ一見到呢張相就話：「都唔知點解果陣我會對呢條仆街有興趣。」「係囉係囉。」拾拾咐和，而在場既兩位男朋友，都只係好尷尬咁傻笑左一下。

仲有幾個字就到約定既時間，「我地行。」金姐既一聲令下，我地就一齊上路。