[愛情無限loop] 就係咁，我做左女神一年既備胎: ４３　去吧！打邊爐兵團！

個ＧＲＯＵＰ大大話話都有成１０幾人，平時約班ＦＤ食飯得幾個人約時間已經約到想打交，而家咁多人，都唔知約唔約得成。

講返果ＧＲＯＵＰ有Ｄ咩人先，金姐就係我話果位美魔女，我同阿琪都會搵佢傾下計，有次我阿琪問佢幾歲果陣，佢答我地話：「我可以做得你地阿媽添拿。」然後就靜靜雞講左佢幾歲比我地知，果陣，我就開始私底下叫佢美魔女。

仲有一個人叫ＪＵＤＹ，佢平時好少出黎跑，因為佢唔多鐘意一大班人去跑，次次跑佢都會搵我，而跑左幾次後我都有介紹阿琪佢識，因為我覺得，佢同阿琪應該夾度，佢係果種外表女人但內心好麻甩既性格，阿琪最ＢＵＹ呢套。

我同佢稱兄道弟架，佢有時同男朋友唔開心既野都會同我講。

除左艾倫呢位狗公外，仲有另一位叫東尼既狗公，佢份人就無艾倫咁刻人憎，只係口花花鐘意抽下水，同佢都唔太敢對阿琪下手，因為佢比阿琪踢爆左佢已經結左婚仲有個女。



其他仲有幾位女ＭＥＭＢＥＲ，果Ｄ都係阿富既ＦＡＮＳ。

我望一望呢個ＬＩＳＴ……嘩，最煩果堆都差唔多係晒度，如果約得成呢次打邊爐一定好好玩。

就係我咁樣諗之際，ＪＵＤＹ　ＳＤ左個ＭＳＧ比我。

ＪＵＤＹ：打邊爐啊？
我：係啊衰妹
ＪＵＤＹ：但我睇左個ＬＩＳＴ，Ｄ人既配搭好搞笑ＷＯ
我：我都係咁諗


ＪＵＤＹ：咁你記住去保護你個女神阿琪拿
我：玩野啊衰妹
ＪＵＤＹ：玩咩啊，明眼人都睇得出啦

ＪＵＤＹ係一個心水清睇人好準既人，但唔知點解，佢第一眼見到阿富，印象唔多好，仲同我講：「呢個人駛唔駛咁假啊？」

好假咩？我唔覺既。

ＪＵＤＹ：咁你去唔去架？
我：搞得成未去囉，咁多人都唔知係未個個去到


ＪＵＤＹ：咁又係
ＪＵＤＹ：咁其實邊個話要搞架
我：唔知（喊笑）

到最後呢個打邊爐真係成左事，我見到約得齊人都好驚訝，但係ＪＵＤＹ話齊人既原因係因為有三個人既存在先可以搞得成呢次咁多人既打邊爐。

我問邊三個人，佢既答案係：

阿琪、呂晨、阿富。

ＧＲＯＵＰ入面兩大女神同男神既威力果然不同凡響。