[愛情無限loop] 就係咁，我做左女神一年既備胎: ２１０　壹百

發生左果件事之後，大家心中都好似有條刺咁，ＣＯＷ就後都可以話哄返ＪＵＤＹ同補祝左生日，但係Ｂ男呢一個陰影都係磨滅唔到。

拾拾就無再出席任何跑步既活動，七三廿一問過佢，佢話拾拾而家連家都唔敢落咁多，怕Ｂ男會突然出現係佢面前。

我問過七三廿一以前有無見過Ｂ男，佢只係話得幾面之緣，但係佢出現既時間都係突然出現咁樣，好似預先知道拾拾將會出現既地方咁，唔通呢條友識法術？

實在太恐怖，令到一個人可以驚到連街都唔出，係呢一刻我諗起果一第一次見拾拾，Ｂ男打佢果陣，會唔會又係突然出現呢？

等等？我記得果日除左拾拾同Ｂ男之外，仲有一個人……係邊個呢？點解要諗返起果陣硬起愈諗唔到……諗到拿！係拾拾個朋友！



「七三廿一，你識唔識拾拾Ｄ朋友架？」我問，而七三廿一就話：「都識幾個既……」

佢答完我後，我就叫七三廿一搵拾拾Ｄ朋友比我睇，直到我見到一個女仔相同果一日見到果個女仔有八成相似，就同七三廿一講：「有無方法約佢出黎？」你地知啦，而家Ｄ修圖ＡＰＰＳ幾勁，有八成似已經算好好架拿。

七三廿一不解咁望住我話：「可以既……平時都有同佢傾開計，但係你搵佢做咩？」

「我Ｄ關於Ｂ男同拾拾之間既事，我要問清楚佢。」我答左七三廿一後，佢就好似明白我既意思，打左個電話比果個女仔。

呢件事我都有同阿琪講，因為我答應個佢以後有咩都話佢知，佢知道後就話：「果日要帶埋我去。」阿琪既語氣係命令。



「下？妳去做咩？」我下意識問左出黎。

「唔理，我就係要去。」佢既答案下，我傻笑中，而佢見到傻笑中既我就繼續講：「因為係女仔所要我要跟埋去。」

「下？咁男既妳就唔跟去？」我問。

「係，因為係女仔所以危險Ｄ。」阿琪答我，我真係唔明有咩咁危險……

就係咁，七三廿一就約左果個女仔當晚見面，我、阿琪、七三廿一三個人坐係相約好既餐廳入面果陣，七三廿一細細聲問我：「點解阿琪會黎？」



「佢話會危險ｗｏ。」我細細聲答七三廿一，然後佢就望一望阿琪，一副明白的樣子同我講：「佢怕你比人搶走啊。」

「未痴線啦……到拿果個女仔。」我同七三廿一講，而佢就望向我所望既方向話：「呢邊啊，壹百。」

個女仔原來叫做壹百，咁你地三個都好夾姐，七三廿一，拾拾壹百。