[愛情無限loop] 就係咁，我做左女神一年既備胎: ２２７　呂晨被帶走

望住電腦既螢幕，我只可以講呢我呢ＩＴ朋友真係勁，個程式唔止可以讀取左部機既資料，你仲可以用一個內置左既電話模擬器睇返入面裝左Ｄ咩野ＡＰＰＳ，聊天紀錄等資料。

控制緊滑鼠既我同埋係我身後既佢地，屏息靜氣咁睇住我開緊無一個ＡＰＰ。

「呢個ＡＰＰ既ＩＣＯＮ全黑既？一定有Ｄ野。」我身後既能蟹話，然後我就開左呢個全黑既ＡＰＰＳ。

經過ＬＯＡＤＩＮＧ　ＳＣＲＥＥＮ後，個ＡＰＰＳ顯示左一個ＬＩＳＴ，而呢個ＬＩＳＴ上面每一筆既紀錄有一張女仔既相，有佢地既名以及Ｂ男比佢地既備註，以咁仲有一粒制。

我ＣＬＩＣＫ左粒制後，彈左去另一頁，原來係一版顯示該名女仔既資料、電話、交友平台既帳號以及有個地圖顯示佢地既座標……



無錯！就係呢個！

我去返個ＬＩＳＴ到係度搵拾拾既相，好快就比我搵到，而身後既佢地見到拾拾張相後，七三廿一就話：「真係有拾拾既資料。」

我打開左，然後見到拾拾既詳細資料，而地圖上顯示左拾拾既位置，「果度係拾拾既屋企。」七三廿一話。

睇黎點解Ｂ男會知道拾拾廿四小時既位置呢一個迷，我地終於知道。

我又出返去個ＬＩＳＴ度，睇一睇大大話話呢個ＬＩＳＴ上面都有成廿幾個女仔，呢個ＡＰＰＳ真係死怖，而最恐怖既應該係用呢個ＡＰＰＳ　既Ｂ男。



「估唔到仲有其他受害者。」我話，而身後既佢地都點一點頭，除左能蟹呆左係度，我覺得佢係因為Ｂ男既舉動先會咁，推一推佢後我同佢講：「我地係未應該去救呂晨？」

能蟹停左幾秒先回過神話：「緊係啦。」

呢一句緊係後，我地幾個即刻衝出吧臺，諗住第一時間捉住Ｂ男，點知一衝出去，就見唔到Ｂ男，而且呂晨都唔見左。

「……佢地呢？」阿琪問，佢一臉擔心，而阿珍都係一樣話：「係囉！人呢？」

識阿琪既酒保望一望四圍後話：「頭先我仲見到佢地係度掟鏢……架。」其實個酒保頭先一直都係度睇緊我地做既野，邊會留意度呂晨同Ｂ男。



所以我就問在場其他人，而當中有個人就玩我地知：「頭先只係見到個大叔係個女人耳邊講左少少野後，個女人就唔係幾舒服話有Ｄ醉，大叔就埋左單就走帶左個女仔走。」

「咩話！！！」我地幾個同時間叫左出黎，果個人都被我地嚇左一跳。

「死啦，呂晨比Ｂ男帶走左啊。」阿琪話，但係我就覺得有Ｄ唔對路，「無理由架，佢地既電話一直都係冰桶入面，如果Ｂ男要走的話，點都會拎返部電話先走架。」

「阿牛講得有道理。」阿珍答話，而佢諗左一諗後臉色一沉，然後講：「除非，其實佢一早就認得出我，而佢係我地面前扮野。」

如果阿珍既諗法係真的話，呢個Ｂ男真係好攻心計。