[愛情無限loop] 就係咁，我做左女神一年既備胎: １８４　出入好大既證供

約左同阿琪食早餐果陣，阿琪就講返尋晚既事。

原來，尋日本身阿琪係約左Ｄ朋友出街傾Ｄ野，但中途就遇到能蟹，所以就同佢朋友ＪＯＩＮ左能蟹班朋友去飲野，而飲野期間，能蟹佢不停咁同阿琪有身體接觸，本身都唔係幾覺既阿琪，慢慢開始覺我能蟹有Ｄ問題。

真到，能蟹去左洗手間後，有個能蟹既女仔朋友就同佢講：「妳唔小心Ｄ呢個人啊？」呢個係係指能蟹。

「小心Ｄ咩？」阿琪扮晒唔知咁問，但其實心中有數，而能蟹位朋友就話：「佢擺到明想食左妳啦。」

而阿琪聽到後只係嗤笑左一下，「憑佢，佢想玩我既話，我實玩返佢轉頭。」



然後，阿琪既朋友就話：「一睇就知果條友對妳有意思先咁做。」

「唔好意思，佢咁大細佬，我先唔會睇中佢。」阿琪好直接咁講：「佢相玩既話，就睇下最後會點。」

我聽到阿琪講返尋日既事後，點解好似一ｄ出黎玩慣既人先會有既對白既？

「都唔見妳平時會講呢Ｄ野既？」我直接問佢，然後佢就話：「女仔出去飲野，點都要自己保護自己既，而且我身邊有無個信得過既人睇住，我更係要咁講啦。」

「咁點解你唔搵個信得過既人陪妳呢？」我問佢。



「你尋晚都唔得閒，唔應機，想搵妳陪都唔得啦。」阿琪作狀扁咀話，而我就笑左幾下講：「咁跟住呢？」

「跟住未佢醉左我送佢返去囉，佢就拎左我部電話打左比你，然後你唔知同佢講左Ｄ咩野後，佢成個人當堂靜晒唔敢亂郁。」阿琪講完呢句後就問：「點解你咁勁可以令到佢咁既？」

「秘密。」我話，其實我都唔知點解，所以先咁講，而阿琪就作狀打左我一下後，繼續食佢既早餐。

食完早餐後我就送阿琪返去，然後就施施然既拎出部電話，覆能蟹既ＭＳＧ。

我：想講咩？
能蟹：出黎傾好唔好？


我：咁而家你去我樓下
能蟹：好

我返到樓下等能蟹，等左陣佢就到左，而能蟹一見到我，就同我講：「尋日唔好意思，我玩電話我唔岩。」

「你就係為左講呢Ｄ野先叫我出黎？」我問佢，佢就搖搖頭話：「唔係，我想講既係阿琪。」

「阿琪？」我無講比佢知我同先同阿琪食早餐既事，而且都唔駛話佢知。

「係，尋晚我同阿琪去左飲野既時候，發生左Ｄ事。」能蟹話，然後我就望住佢同示意佢繼續講，佢見到我既示意就繼續，「佢挨身挨勢，仲將隻腳放上我大脾度，仲叫我係幫佢揀花生佢食，我飲到中途同朋友去廁所果陣，我朋友就話呢Ｄ女送上門，你唔係唔食掛，我就只係笑笑口話佢知只係當阿琪係朋友。」

我聽住能蟹講既野，點解同阿琪頭先同我講既野有咁大既出入。

「係走果陣，其實我真係醉左，但係我醉醉地既時候，我見到佢竟然無啦啦蹲低，幫我綁鞋帶，仲話我醉成咁，唔綁好因住仆死我，佢從下望上黎果樣，真係好難抵擋。」能蟹講完後，我唔係幾好氣問佢：「你就係為左想同我講呢Ｄ野先叫我出黎？」



能蟹見到我咁，就話：「我係想叫你小心Ｄ啊，呢個阿琪真係唔簡單，如果我無女朋友，都會中招。」

「咁姐係話你都想追阿琪？」我又問，好認真咁問，而能蟹佢搖晒頭話：「唔係，我只係想我朋友清楚自己過緊果個人，係同你既世界完住唔同既人。」

我拎阿琪同能蟹同我講既野作出比較，得出既結論係佢地尋日去左飲野，有身體接觸，其他既，我都只可以話未有足夠既證據。

我唔知係阿琪主動挨身挨勢，定係能蟹佢食豆腐，我只知道，呢件事，令我意識到可能身邊既朋友講既野係無錯。

但係，如果對像係阿琪既話……

我……真係唔知應該點……