[愛情無限loop] 就係咁，我做左女神一年既備胎: ２６０　尷尬的會面

當我出返去果陣，我個腦入面只係到回想，頭先我聽到果把女聲，真係阿琪？定係聲有相似呢？一定係後者，我諗一定係後者，一定係有另一個女仔把聲好似阿琪，係我只己多心姐。

我就係用呢一個心情去搵返能蟹同ＳＵＮＮＹ佢地，而佢地兩個正係度監視緊阿銀同Ｂ男。

「咁耐架。」能蟹係自己部電話打左呢幾隻字比我睇。

而我睇到後只係笑左一笑，跟住佢就指左個方向叫我望一望，果個方向就係阿銀同Ｂ男既位置，而旁邊仲有一個我認識既人，果個就係阿塔。

估唔到會係呢度見返佢，見佢同Ｂ男傾緊計，我真係估唔到係果次後，佢會識左Ｂ男。



但係佢同Ｂ男既交情去到邊呢？唔知，我見到佢既果一刻，只係諗緊頭先係後面聽到佢同一個女人嘈，果個把聲好似阿琪既女人……

ＳＵＮＮＹ係呢個時候示意我地行去一邊，一個可以傾到野既地方，我地去到果個地方後，ＳＵＮＮＹ第一句就話：「睇後果一堆人都係睇Ｂ男頭。」

「我都係咁諗。」能蟹話，而我就無出聲，ＳＵＮＮＹ見到我咁就問：「阿牛，做咩咁靜？」

「我見到一個識既朋友姐，果個朋友就係坐係Ｂ男旁邊果個男仔。」我講完後，佢地兩個都望向阿塔果邊。

「你話呢個世界幾細先得，又會咁都撞到朋友。」能蟹話，而ＳＵＮＮＹ就擺出一副諗樣係求諗緊野，「你估有無方法叫到你朋友幫手呢？」



聽到佢咁講後，我就話：「我估都幾難，因為都好耐無同佢傾過計。」

「咁就要諗有咩方法去接近Ｂ男，以及幫阿銀。」ＳＵＮＮＹ話：「真係唔可以試下問你朋友？」

「……都可以試下既，但你想佢幫我地Ｄ咩？」我問。

「我剩係想知道點解呢個Ｂ男身邊咁多人埋佢身，佢點都有Ｄ過人之處既。」ＳＵＮＮＹ話。

「我試下，不過你唔好抱咁大期望。」我答完後，佢地兩個就繼續監視住阿銀同Ｂ男，而我就搵機會去同阿塔傾。



呢個機會好快就黎，我見阿塔佢行開左，我亦都跟左上前，係佢身後面跟左一陣，正當我想行前拍佢膀頭既時候，我見到一個人影令到我即刻閃埋一邊偷睇。

「阿琪，妳唔同我飲而家未又去搵另一個人飲。」係阿塔把聲，佢口中既名琪係……

「我講左我唔想見到你，你可唔可以行開。」估唔到，果個女仔真係阿琪，因為今次我唔單止係聽聲，就見埋個樣。

「好啊。」阿塔講完呢句就行到佢面前，「妳同我飲一杯我未走囉。」

而呢個時候，一個男人行到阿琪身邊，「我幫佢飲，飲完你就走。」果個男人就係所謂阿琪未婚夫既人。１

點解？點解阿琪會係呢度？點解阿琪黎呢度又唔話我知呢？

我點諗都諗唔到個答案，直到阿琪望住阿塔飲完杯酒，發現左閃埋一邊既我後，我地四目交投，阿琪露出左一個好尷尬既表情，「……阿牛。」

我唔點應阿琪好。