[愛情無限loop] 就係咁，我做左女神一年既備胎: ２７８　ＪＵＤＹ倒下，第一場比賽既結果

可能你地會覺得我廢，其實發生咁既事，我都有少少咁既諗法……

當我醒返果陣，我已經發現我係比班朋友圍住，第一個見到既，係呂晨，佢見到我醒返就話：「你終於醒返拿？」

我見到佢眼紅紅咁，應該係喊過黎。

咦？我聽得返野既？我唔係飲醉左……等等！我好似同馬高比緊賽鬥飲架ＷＯ！？點解會！？我諗返呢一點，即刻成個人彈起身，但彈起身果下就感覺到頭有少少痛，然後，我望向出面……ＣＯＷ一早就飲到訓得左，而ＪＵＤＹ就繼續飲緊酒，不過睇怕佢都頂唔到幾耐。

而馬高佢地，都有一個人已經不勝倒地，另一個人都飲到咁上下，不過馬高佢就好似面不改容咁。



「個馬高點解咁飲得既？」本身我呢條係自已問自己，但阿珍聽到後就話：「條仆街出術架，頭先阿塔ＷＴＳＡＰＰ我地，原來呢條友一早已經將自己Ｄ酒換晒Ｄ無酒精既野，而我地呢邊果三車酒，佢仲落左藥啊。」

「唔係掛！？咁ＪＵＤＹ佢已經未飲左好多已經落左藥既酒！？」我問。

「咁又唔係，阿塔知道左，已經一早幫我地換左，不過佢話有一車換唔切，而果一車酒正正係你果一車。」聽到阿珍咁講，唔怪得頭先飲飲下個頭咁痛啦，而家諗返起，原來阿塔不停向我揮手，係叫我唔好飲果Ｄ酒。

而拾拾就係呢個時候話：「呢個男人真係咩野仆街方法都做得出，而家得返ＪＵＤＹ一個係出面同佢鬥，都唔知點算。」

拾拾既說話，令到我地一陣沉思，「不如棄權啦，第一場比賽姐，輸左仲有下一場。」金姐話，而我地都無反對，不過呢個時候，「唔可以！」ＪＵＤＹ又會咁遠都聽到我地講野既，「我咩野人都可以輸！就係呢條仆街唔輸得！我以前已經輸左好多野係佢身上！感情！金錢！時間！但係我仲有一樣野唔可以輸比佢！」ＪＵＤＹ講完後，將手上面果酒白瓶矛台飲晒，然後對住馬高話：「就算我鬥飲輸比你！我都唔會比我既尊嚴輸比你架！仆街！！！」



ＪＵＤＹ一手將個白瓶扔向馬高，而馬高就一手拍開，對住ＪＵＤＹ笑一笑話：「尊嚴？妳仲有既咩？」

ＪＵＤＹ拎起左支香檳，打開左個蓋。然後將第一口酒倒係地上面，「呢一啖酒我奠比你既！」然後，就一口氣飲支香檳。

雖然，香檳唔係咁易飲得醉一個人，但係ＪＵＤＹ已經飲左咁多唔同既酒，佢只係飲左兩三啖，腳步就浮浮，而再飲第四啖，佢就支持唔住倒下。

ＳＵＮＮＹ同七三廿一見到ＪＵＤＹ倒下，都想即刻衝前扶住ＪＵＤＹ，不過距離有少少遠，所以一定離唔切。

不過好好彩，ＪＵＤＹ係跌係ＣＯＷ既身上面，遠處睇住佢地，唔知點解，佢地兩個好似微笑緊，可能，第一場遊戲係輸左，不過佢地伙輸到自己既尊嚴，以及佢地兩個既情，已經嬴左。