[愛情無限loop] 就係咁，我做左女神一年既備胎: ３４　被女神的人與做女神的人

果晚聽完老牛大人講道理後，個心都舒服左好多，可以大覺訓到第二日。之後，阿珍同阿塔就再無搵過我，就算我主動搵佢地，都無應機。阿塔仲係得一個綠剔，阿珍好Ｄ，但大多都係已讀不回，打比佢地，唔係響勁耐無人聽，就係響左三下就話未有人接通，好明顯係轉左飛行模式。

而我同阿琪，就ＫＥＥＰ住日日ＭＳＧ，咩都傾，同ＧＲＯＵＰ入面Ｄ人都熟左，開始有Ｄ　ＦＤ底，當然唔係果班狗公啦。

ＦＤ底既人，有一個ＧＲＯＵＰ入面公認係好好先生既男人，一個大我少少但已經結左婚有仔女既男人，有個美魔女好照顧人，我成日都叫佢做大家姐，一個好識得人情世故既銀行女，仲有一個……一開始識佢都唔覺佢有問題，但係識落就知原來佢係Ｄ咁既人……

如果，阿琪係被人女神既人，咁呢個人一定係自願想做女神既人，同佢既名一樣，佢姓呂名晨，英文名叫ＭＯＲＮＩＮＧ，但係佢鐘意人地叫佢中文名多Ｄ。

阿琪係ＧＲＯＵＰ入面想盡方法唔比班狗公埋身，而呢個呂晨就想盡方法咁將呢Ｄ狗公收納門下，佢好享受呢一種萬千寵愛在一身既感覺，所以成日跑完步都會影相放出ＧＲＯＵＰ等佢Ｄ裙下之神跪拜佢。



就好似今日，佢自己跑完步又ＳＤ相出ＧＲＯＵＰ。

會員７：呂晨又跑步，真係勤力
會員３：果然係我心目中最好既跑步員
會員Ｎ：跑完記住好好休息下啊

我望住不停彈出黎既ＭＳＧ，所有都係讚美緊佢既說話，而呂晨就好ＥＮＪＯＹ既不停覆緊佢地。

阿琪：佢又黎料（喊笑）
我：佢鐘意未由佢囉（大笑）


我：佢幫你引開Ｄ狗公仲唔多謝佢（喊笑）
阿琪：又係ＷＯ
阿琪：你今日跑左未啊？
我：未啊，但今日好忙可能跑唔到
阿琪：係啊，仲諗住叫你陪我去睇鞋添
我：幾點睇啊？
阿琪：你唔係話好忙咩（喊笑）

就係我同阿琪好開心ＳＤ緊ＭＳＧ之際，果位呂晨竟然無啦啦ＭＳＧ我。



呂晨：尋日約你又唔黎呃（喊喊豬）
我：忙
呂晨：唔制啊，你下次要陪我啊（嬲嬲豬）
我（滴汗）

發生左Ｄ咩事啊，佢ＳＤ　Ｄ咁既野黎做咩……係，佢尋晚係有約我去跑，但我真係好忙所以無理佢，況且就算得閒都唔想理佢，因為我會將我所有空閒時間留比我自己既女神。

咦，真係我女神既阿琪又ＳＤ左個ＭＳＧ比我。

阿琪：今晚去睇？睇完一齊食飯？
我：好啊

自從第一次見面後，呢次係阿琪第一次同我夜晚去街啊，真係開心足成日都似。