[愛情無限loop] 就係咁，我做左女神一年既備胎: ８９　四人跑團

估唔到會撞到以前ｄ朋友，「係呢？畢左業之後你去左邊？無晒你既清息既？」我問佢。

「畢業之後我就去左外國讀書，讀完書返黎未入左一間公司做野，苦悶到爆，識左個女朋友拍左好幾年拖，感情穩定啦。」佢答完後搭住我膀頭問：「咁你呢硬頸牛？」

「我，我入左大學讀左個ＣＳ，出黎做ＩＴ狗，拖都有拍過既，但係上年散左到而家都未有著落。」我講完後，佢笑住話：「而家未有著落囉。」我望住佢既方向，係阿琪。

「呢個ＧＲＯＵＰ好多人瞄準佢架，點會到我。」我答。

「好多人瞄準佢係一回事，佢理邊個又係一回事，頭先我見你地兩個咁ＣＬＯＳＥ，我覺得都理下你ＷＯ，點解唔進一步行動啊。」佢笑得好淫邪。



「有行動，不過我鐘意慢慢黎。」我答佢。

「慢慢黎係好既，但係小心比人截胡ＷＯ。」能蟹佢講完之後，指一指阿琪果邊，我見到，係阿富。

見到阿富接近阿琪，而阿琪就向住我呢邊打出求救訊號，「唔講住，一陣再傾。」向住阿琪既方向行過去既同時，阿琪都向住我講：「牛兄，頭先你未幫我買左支水既。」佢向我打左眼色，而我望一望阿富手上面拎左支水，聰明既我已經知道阿琪想我點做，「係啊，係我度，妳跟我去拎。」

「好啊。」阿琪答完我後就好快同我行開左，「好彩你見到我同你打眼色咋。」

「當然啦。」我答。



「係呢，果個能蟹同你識左好耐架拿？」阿琪問。

「係啊。」我答佢：「讀書成日都同佢同一間學校，果陣都算成日吹水果種朋友。」

「佢係未好人黎架？」阿琪問呢個問題咁得意既。

「係好人黎，做咩咁問？」我問佢。

「無啊，見佢果款似成日出去玩亂咁識女仔果Ｄ人囉。」阿琪答我後，我望一望能蟹，咁佢又真係好似花花公子款既，不過佢有條件做都奈佢唔何。



「我唔知佢係未果種人啊，但係佢有拍拖，而且好穩定下，我諗應該唔會係掛。」我答。

「你又知，你地岩岩先見返。」阿琪話。

「咁佢都係岩岩話我知，我未信囉。」我答。

例會通常都會跑得輕鬆Ｄ，因為未知新入ＧＲＯＵＰ　既ＭＥＭＢＥＲ可以跑咁耐同咁長距離，所以好多練開跑既人都會選擇打完招呼後自己跑，又或者係輕鬆跑當放鬆肌肉。

而我練緊跑，當然係選擇自己跑快啦，不過同其他跑得再快Ｄ既人唔同，我有阿琪陪我跑，而能蟹都想跟住我地一齊跑，話好耐無見好多野想傾，不過我唔知佢點樣可以一路跑步一路同我傾到計。

而阿富見到阿琪跟我跑，當然都唔會放過任何機會啦。

所以，我今次例會既跑步練習就變成四人跑團……