[愛情無限loop] 就係咁，我做左女神一年既備胎: ２２２　１００％回頭率

估唔到係一個咁既情況諗返老牛大人想點慶祝，我記得佢呢一句說話，係有一日我放完工返到屋企後同我講。

果日我做野做到好累，一返到去就只識坐係張沙發上面，而老牛大人就睇緊電視，咁岩播緊一套電影既預告。

「呢套戲好似好好睇ＷＯ。」老牛大人話，而我就望左一眼電視話：「港產片黎既……」

「請支持香港電影拍攝工作！呢套戲Ｄ卡士好勁！」老牛大人好興奮咁講，好少何見到佢對一套戲可以咁興奮。

「咁未同你去睇囉。」我話，然後電視講左個上映日期，一聽之後，「嘩，就有排先上ＷＯ。」老牛大人話。



「咁到時買飛同你去睇囉好唔好啊？」我又問。

而老牛大人就答：「到時先算啦，都唔知你呢個衰仔仲記唔記得。」

呢一句到時先算，真係差Ｄ比佢講中，如果唔係阿琪話想去睇戲我真係醒唔係。

但係都未知老牛大人係未真係想睇，但係都要問下佢。

「咁你爸爸想睇Ｄ咩野戲啊？」阿琪咁樣一問，我腦海不停努力地嘗試搵返果日見過既廣告片段，但我只係記得，有車追逐既場面，有槍戰，有警察……但就係諗唔到套戲叫咩名。



我將我記得既野都講晒比阿琪知，而阿琪就話：「港產片好多都係咁架ＷＯ。」

又係既……港產片死拍爛拍都係警匪片……

「你要努力Ｄ諗返先得架，如果唔係我都唔會同你去睇戲架。」阿琪突然既呢一句話，令我有左記返起老牛大人想睇咩戲既決心。

而當晚我返到去，就即刻問左老牛大人係未想我同佢去睇戲，好彩真係比我撞中，但係佢硬係唔肯講佢想睇邊套，叫我自己搵到再話佢知。

老牛大人啊，而家你想睇咩野戲已經關係到我既幸福，唔該你就好心Ｄ講比你個仔聽啦。



而除左搵戲呢件事外，另一件重要既事當然係Ｂ男，我地果個計劃就係兩日後既晚上展開。

果一日，呂晨著得好性感，我地幾個男仔睇到都呆晒。

「你地三個駛唔駛望到咁實啊？」阿珍問我地，而阿琪就係仍旁邊無出過聲。

今日既呂晨真係太靚，仲好性感，佢今日件衫好緊身，露出左佢完美既身段，而且果條樓屌裙真係……行係街所有對女性有興趣既動物都一定有１００％回頭率。

但係唔知點解，阿琪見到咁既呂晨，露出左一種不悅既眼神，而且呢一種眼神仲不停射向我。