[愛情無限loop] 就係咁，我做左女神一年既備胎: ３２２　阿琪爸爸

望住老牛大人既信……「牛仔，你阿爹講左Ｄ咩？」我將封信遞左比阿媽媽，而佢一拎到封信就睇，係微笑中帶住眼淚咁睇，「呢個衰佬……」

而我，望住老牛大人幫我準備既人民幣……一滴、兩滴、三滴……我既眼淚滴係呢一疊錢上面，老牛大人諗走前仲幫我準備左咁多野，諗走前仲幫我上左一堂咁重要既課。

我認，我有老脾氣同成日鑽牛角尖，但我比老牛大人多一個決點，就係衝動，我諗佢都知道，所以佢係信入面叫初７以後所有事都要好好衝量後先做，唔通，呢樣就係老牛大人生前最想同我講既說話？

我諗，一定係……

「阿仔……」媽媽微笑咁望住我話：「你阿爹支持你，作為你阿娘既我，都係一樣。」佢仍然係微笑中帶住淚。



呢一刻，我腦入面只係有一個想法，我擦走流出黎既眼淚，然後同媽媽講：「媽，我會好好選擇之後點做。」

媽媽聽到我咁講後，點一點頭行返出廳，而我要做既，係拎返部電話出黎，打開ＷＨＡＴＳＡＰＰ既ＬＩＳＴ，望住果班不停ＳＤ　ＭＳＧ問我有無事既人，我唔可以再咁衝動，咁無交帶。

我：我無事，放心

我回覆左佢地呢一句，然後當然係一大輪既責罵或關心，我都一一咁回應，直到，當我要好好回覆阿琪既時候，一個未見個既電話來電打左入黎。

唔通係小段？無理由，我有入佢既電話架，咁係邊個呢？



「喂？」我接聽後問。

「你未阿牛？」把聲係一個上左年紀既男人，好熟，好似係邊度聽過。

「我係，你係……」「我係阿琪爸爸。」咩話！？點解阿琪爸爸無啦啦打比我既，正當我諗緊點解阿琪爸爸打比我之際，佢再講：「有無時間出黎傾下？」

「我……」欲言又止既我唔知點答佢，因為我而家都唔算有時間，而且唔知點解我有少少怕見阿琪既爸爸，但當阿琪既爸爸又話：「我知道你尋晚所發既事，不過，如果你以後仲想見阿琪既話，最後出黎同我傾一傾。」

就係佢既呢一句，「好，你話比我知時間同地點。」就係咁，阿琪爸爸將左我去一間附近既餐廳見面。



又出門口，臨出門口果陣，我望一望又折緊元寶既媽媽，而佢都望住我話：「做你想去做既事，就同你阿爹封信上所講既一樣。」

做我所想既事？而家，我想做既係……