[愛情無限loop] 就係咁，我做左女神一年既備胎: ２９９　計劃

有左呢個決心，成個人都好似變得好熱血，不過，我其實好少上大陸，計上次上去都係好幾年前同朋友上去玩，果陣港元兌人民幣仲好著數果陣。
你地就知道有幾耐之前啦。
去大陸要準備ｄ咩呢？除左要兌好ｄ錢，我又應該要帶幾多衫上去好呢？上面係ｄ空氣係未真係咁差呢？
好多問題突然彈左出黎，好想問人，但係又唔知可以搵邊個……
問能蟹？佢成日話我知佢成日上去玩，可以問佢！！！不過……佢實問我點解上去，到時一定唔可以話比佢知我係為左阿琪而上去，唔係佢有會講阿琪既壞話。
所以……唔可以問佢。
問ＪＵＤＹ？雖然佢都幾中肯，但係佢都想我唔同阿琪一齊多ｄ，而且果陣同馬高既事之後佢入左院，比佢休息下好ｄ。
所以……佢都唔可以問。
問拾拾？認識左佢一段時間，發現佢都幾敢講野……佢又話過支持我追阿琪，不過總係覺得佢唔會比到咩野意見我。
放入後備名單到先。


我一個又一個人咁諗，阿珍、阿塔、呂晨、金姐……最後得出左一個ＬＩＳＴ，我可以問既人，其實最可以幫我或最肯幫我既，有金姐同藍臣。
而我決定搵左金姐先，原因係我想已經諗左計劃之後再搵藍臣。
好快，就到第二日，我訓醒就即刻約左金姐，不過金姐話今日要忙屋企既野，所以叫我去佢屋企搵佢，佢ｓｄ左個地址比我，然後傾好時間後我就出發。
出發係因為我諗到ｄ野要做，果ｄ都係為左返大陸要準備既野，就到時間後我就準備去金姐屋企。
金姐屋企係私樓，所以樓下保安都幾嚴，如果唔係金姐交帶左保安話有朋友去搵佢，可能我都入唔到。
上到去，按左門鐘。
「黎拿！」又真係聽到裡面既人大叫出黎架ｗｏ，但把聲唔係金姐，不過好似聽過。
門一開，我見到一個著住ｔ－ｓｈｉｒｔ同短褲既女仔，「我認得你啊，你係阿媽個朋友。」
我望住眼前呢個女仔先呆一呆，睇清楚佢既樣同身材……「……阿銀？」
「係啊，我地見過架拿，阿媽講左我知會有朋友上黎，原來係你，不過阿媽剛剛出左去買野，你入黎先啦。」阿銀講完後就拉左我入屋。