[愛情無限loop] 就係咁，我做左女神一年既備胎: ３３１　下一站尖沙咀

「阿牛，你……」「阿琪佢係尖沙咀啊！」

「等等先，你冷靜Ｄ先啦！」「阿琪佢而家一個人！我一定要去陪佢！」

「你冷靜Ｄ先啊！」「快Ｄ……點解架地鐵咁慢架！」

……下一站尖沙咀……ＴＨＥ　ＮＥＸＴ　ＳＴＡＴＩＯＮ　ＩＳ　ＴＳＩＭ　ＳＨＡ　ＴＳＵＩ……

聽到廣播，我個心更急，滿腦子都只係文化中心，好想快Ｄ跑過去。



「阿牛，不如我地問下呂晨呢張相點得返黎先啦。」阿珍話。

「呢個係一個希望黎，我點都要去睇下。」我答佢。

「你唔明咁我問……」阿珍ＳＤ　左個ＭＳＧ比呂晨，而呂晨好快就回覆話係佢其中一個朋友見到阿琪坐係文化附近，影相既時間應該係半個鐘前。

「半個鐘前……可能阿琪已經走左都未定。」阿塔話，佢好認真咁望住我，「阿牛，唔好抱咁大希望好Ｄ。」

我粒聲都無望住阿塔，直到地鐵到尖沙咀站，就停定既時候，我同佢講：「我唔係抱好大希望，只係，我而家只有呢一個希望。」



門一開，我一支箭咁衝左出去，我要用我最快既速度去文化中心，「阿牛，好多人啊，你咁跑會撞到其他人架。」阿塔話。

「等埋我地啦，我跟唔到你既速度啊。」呢一句應該係阿珍，但係佢把聲漸細，好快就聽唔到佢地既叫喊。

文化中心係咩野出口呢？點解我唔一早記好文化中心係咩出口啊！指示牌呢！？搵到……Ｅ！！！頂你係後面！

八達通呢！？褲袋……點解呢張樣永遠都係Ｄ咁趕急既時候先至最難拎……頂！！！前面果條友拍撚夠自己個袋未啊！嘟唔撚到就拎返張卡出黎嘟啦！！！

「唔好意思……」去旁邊條ＬＩＮＥ仲快，阻人出閘正仆街！



「阿牛，唔駛咁快啊……」阿塔同阿珍追到我，唔駛咁快？唔係！係一定要快啊！如果我到左而阿琪又剛好果陣離開，咁我未白費囉。

一出閘後，我即刻跑步跑，「借借啊前面既人！」我好似個癲佬咁向前跑。

「阿牛！你咁樣會嚇到其他人，一陣有警察見到你就唔可以搵阿琪架拿。」阿珍講得無錯，咁我唯有跑唔出聲啦。

我拼命咁跑，腦中就只有一個目的地，文化中心，阿琪妳一定要係果邊等我啊。