[愛情無限loop] 就係咁，我做左女神一年既備胎: ２４８　今晚又要去跟……

第二日，我就去左買飛，係電話入面我同阿琪講左阿爸想睇果套戲後，阿琪都話估唔到老牛大人會想睇呢Ｄ戲。

去到戲院，今日唔係好多人拍隊買飛睇戲，我諗好快就到我，而係排緊隊既時候，我緊係同阿琪ＳＤ　ＭＳＧ傾計啦，但傾傾下，有個不明既電話打左入黎，係一個我從未見過既電話號碼。

我猶豫左一陣後就接聽，我都未問係邊個果陣，對方就連珠炮咁話：「今晚１０點我地係尖沙咀等，你記住著得輕便運動Ｄ，而且要有跟足成晚既心理準備，同埋你醒目Ｄ，未再ＯＮ撚９９咁樣。」

都唔知佢係邊個就已經聽左咁多野，我緊係即刻問左：「等等，妳邊位啊？」

「都話你ＯＮ撚９９架啦，我係能蟹條女囉。」哦～原來係能蟹條女能利，「妳點解有我電話架？」



「係都ＯＮ９既，緊係問能蟹拎架啦，唔通我上網搵啊。」駛唔駛下下都話我ＯＮ９啊……雖然佢答完我後我都覺得自己問得有少少ＯＮ９。

「妳頭先叫我夜晚去尖沙咀？點解？」我問。

「係個ＯＮ９唔記得左答應要幫我一齊跟能蟹講果個女人咩，今晚就行動啦。」能利佢理直氣壯咁話。

「原來係咁，但都唔駛咁快……」「總之你今晚準時啊。」佢講完呢句就無理我收左線，而我就呆係原地，直到後面Ｄ人埋怨我點解唔行前我先記得原來我排緊隊買飛。

講真，能蟹同能利個性格又幾似，唔掛得佢地會成為情侶啦。



買完飛後，我同阿琪講左今晚會同能利一齊去跟能蟹果日跟既果個女人，而阿琪就二話不說約左我出黎話要傾Ｄ野，阿琪約我ＷＯ，我緊係話好啦。

但係點知佢一出到黎就……

「咩話！？妳都要去一齊跟？」我問。

「係啊，唔得咩？」阿琪反問我。

「妳上次差少少出事，我唔想妳又有事，然後有搞到黎爸爸出黎啊。」我話。



「所以今次你要好好睇住我。」阿琪笑住咁講。

「唔得啊，危險啊，妳去黎做咩。」我話。

「比我去啦，我悶左好多日拿，呢一排爸爸佢好少比我出去，一出去都要果個男人跟住晒，上幾次我係特登買甩佢出黎架。」阿琪一再央求，「比我跟埋去啦，阿牛。」

「如果比妳爸爸知道左之後，妳爸爸又會話我，到時我係妳爸爸面前印象就會好差架拿。」我話。

「放心啦，唔會既，我會幫你講好說話架。」阿琪好開心咁問：「咁係未比我跟去啊？」

「都唔知妳點解可以尋日唔開心喊左成日，而家又笑面迎人。」我話。

「樂觀囉。」阿琪笑得好開心。