[愛情無限loop] 就係咁，我做左女神一年既備胎: １７１　與阿琪回家的路上

今日呢件事真燧聞所未聞見所未見，而且最搞笑係本來我地一開始以為七三廿一係講下笑，但到後來原來佢係認真。

散ＢＡＮＤ後，我送阿琪返屋企，係返屋企既途中，我地除左講頭先既野外，仲有一件事。

「其實，我有無咩野可以幫要妳？」我問阿琪，而阿琪就好奇咁問我：「幫我Ｄ咩啊？」

「妳上次話妳而家有好多野煩，官司果Ｄ我就幫妳唔到，但係妳生活既事，我可以幫到妳架。」我講完後，阿琪望住我微笑左一下。

「你係認真既？」阿琪問我，而我對佢好認真咁話：「絕對認真。」



阿琪諗左一諗，然後話：「咁如果我以後去買菜既話，就搵你幫手啦。」

「可以啊。」我對佢微笑左一下。

「其實……以前都有個朋友會成日陪我買菜，不過之後佢就無再陪我。」阿琪講完之後，好似有少少失落。

「果個人，都係追妳既人？」我問佢，而阿琪點一點頭：「有好多人幫我，都會叫我做佢女朋友，但係，如果個個都幫我，我邊可以做晒佢地既女朋友ＷＯ。」

我聽到佢咁講後，無出聲繼續係佢身邊行，而佢就話：「所以我只希望，而家幫我果Ｄ人，都係好朋友，因為我而家既情況，係唔可以拍拖架。」



「阿琪啊，其實妳一直講妳而家唔可以拍拖，會唔會比太多壓力自己啊？定係，妳仲未遇到一個對的人啊？」我唔知邊度黎既勇氣咁問佢，如果佢答我，係未遇到一個對的人既話，咁姐係……我無機會。

但係，佢答左另一個答案，「而家仲未遇到一個令我心動既人，不過，我係一個唔相信一見鍾情既人，只會相信日久生情，所以，我都唔知自己想點。」

佢嘆一嘆氣然後話：「我身邊而家都有好多人好照顧我好錫我，除左你，其實仲有好幾個人對我好好。」

我聽到阿琪講呢一句後，個心離左一離，原來係我見唔到既地方，阿琪仲有其他追求者。

「咁……都幾好啊。」我同阿琪講左呢一句，我係要裝出一個無所謂既表情講，但係，個心好痛。



而阿琪聽到我咁講後，就問我：「點解好啊？」

「妳係一個值得比人照顧既人。」我呢句係出自真心，而阿琪聽到後，笑我好甜。

但係，唔知點解，我心中有一股不安感，慢慢放大，究竟呢一種，係一種咩野感覺。