[愛情無限loop] 就係咁，我做左女神一年既備胎: ２３３　希望曙光

我就好似漫無目的咁係屋企坐，咩都唔想做，望住街景好想時間快Ｄ過，日出慢慢算到我既頭頂，已經到左中午，我諗阿琪同呂晨已經出左院。

電話其實響左好多次，但係我無咩心情去接，成個人頹到一個點。

直到……「死仔坐係度成個朝頭早搞咩啊？食唔食野啊？」老牛大人呢一個問題，我無回答，但係我就拎起左電話一睇，原來阿琪ＳＤ左好多ＭＳＧ黎。

點解？點解佢仲要ＳＤ　ＭＳＧ比我，佢已經有未婚夫啦，點解佢仲要咁做？

我入到個ＷＥＣＨＡＴ睇都無睇就ＤＥＬＥＴＥ左阿琪ＳＤ比我既ＭＳＧ，然後，就係能蟹ＳＤ比我既ＭＳＧ。



能蟹：兄弟，你而家點啊
能蟹：你真係唔黎？
能蟹：阿琪不停問你點解唔去啊
能蟹：你唔想見到阿琪
能蟹：都黎見下呂晨啦
能蟹：呂晨都一直問緊點解你唔去啊
能蟹：頭先我地問阿琪果個男人Ｄ野啊
能蟹：有樣野你一定想知
能蟹：原來個男人可以話係阿琪既未婚夫，但都可以話唔係



我見到能蟹最後既一個ＭＳＧ，腦入面就好似有一道光出現左，呢一道光打醒左我。

我：咩叫做可以話係阿琪既未婚夫，又可以話唔係？

呢一道光係希望既曙光，我諗都無諗就ＳＤ左個ＭＳＧ比能蟹，然而，呢一個ＭＳＧ之後，能蟹打左比我，我一接電話，能蟹就話：「你終於肯應機拿？」

我無理佢，只係問我頭先問佢既野，「你頭先所講既野，姐係點解？」

我只係聽到能蟹既笑聲，然後無答我，只係問我：「你食左野未啊？」



「你答左我毛啦。」我話，不過能蟹笑得仲大聲話：「你而家快Ｄ落黎你成日同阿琪一齊食野既茶餐廳啦，我地成班人都係度等緊你啊，當然仲有阿琪啦。」

我聽到能蟹既說話後，呆左一呆，「……阿琪？」

「係啊，你快Ｄ落黎啦，佢唔落得黎好耐架咋，太耐既話佢爸爸又發嬲架啦。」能蟹講完呢句後，我就二話不說講：「我好快，你等我。」

我即刻換好衫準備出門，老牛大人見到我咁都話我做咩無啦啦又咁精神。

咩叫左可以話係未婚夫？又可以話唔係呢？我唔知道，但我只知道而家係我心入面有一股好強烈既希望，就好似話比我知，叫我一定要相阿琪。