[愛情無限loop] 就係咁，我做左女神一年既備胎: ６４　整完野又破風去

我行去阿琪既附近，已經感覺到不其然既壓力擁緊過黎，果種感覺，就好似你面對海嘯一樣，你想走？你走唔到……只可以，硬食。

壓力既來源，當然係來自阿富、呂晨、呂晨的狗公們、以及阿富既ＦＡＮＳ……係啊，就連佢Ｄ　ＦＡＮＳ都比緊壓力我啊，我都唔知回解會咁。

我愈接近阿琪，感受既壓力就好似愈大咁，仲開始……仲開始有耳嗚添……

「阿牛，仲咩呆左咁啊。」好彩阿琪既聲音呼喚返我姐，我成個人當堂醒一醒。

「……無啊。」而家迎距離咁望住頭先ＪＵＤＹ同金姐講既生態頻道，原來又真係好ＭＡＴＣＨ。



「快Ｄ幫手啦。」阿琪對住我微笑左一下，如果呢一下微笑可以唔係而家呢個情況下出現既話應該會仲好，因為唔知點解阿琪今次呢一個微笑係比平時甜左好多，甜既指數我諗可以話會有糖尿病都似。

但你地可能會問我，一個自己鐘意既女神對住自己笑得咁甜，應該開心都黎唔切，但如果當你係望住女神既微笑時，而後面有兩個人對你目露兇光果陣，你一定會不其然心寒。

咁係邊光對我目露兇光我就唔多講啦，但係對我目露兇光既人數慢慢上升，可能係因為羊群效應掛，整到我成程幫阿琪都有Ｄ唔自在。

不過，可以同阿琪一齊整下野食都唔錯。

到最後ＪＵＤＹ同金姐食完包花生都有過黎幫手，好快我地已經將要醃既嘢食整好晒，但係都要放入雪櫃入味，所以我地一大班人就開始下一個活動，跑步。



今次跑步既人數算多，但係都唔算係最多人果次，因為每星期我地都會有例跑，例跑果日都會有好多人，但今日唔同既係，人數既配搭，例跑通常出得黎既都真係想跑步既人，但係今日呢次跑步，想跑步既人又真係有幾多個？

熱身果陣，已經有好多人圍住呂晨，當然有Ｄ圍唔到上去既就想圍阿琪，不過阿琪已經有我地呢班保鏢係度護住，佢地想插針都插唔入，阿富都係一樣埋唔到阿琪身，況且佢比一大班ＦＡＮＳ圍住，根本就甩唔到身。

到跑步果陣……

大家仲記唔記得我先前有講過，黎呂晨呢度果陣，就咁行過黎已經整到好似套破風咁，可想而知，跑步更甚……

但係，跑步同行路既分別，就係跑步比行路更易會……「哎呀！」話口未完，有個趕住去破風既人跌親，大家估下係邊個？



呂晨？佢比Ｄ狗公保護得好緊要，一Ｄ事都無，所以唔係佢。

阿琪？佢跑係我旁邊，有我保護佢，佢唔會有事。

ＪＵＤＹ？唔會係佢啦，佢又唔駛破風。

金姐？更加唔係佢，佢跑到好後避左班破風手。

咁……係邊個？

跌親既你阿富。

阿富叫既呢聲哎呀，吸引晒全部人既目光。

「無事嘛！」所有女ＦＡＮＳ　都即刻行過去睇阿富有無事，而我同阿琪都有行過去。



「你無事嘛？」我諗呢句係阿琪同阿富講既最關心既說話。

「無咩野？」阿富把口雖然咁講，但係佢隻腳其實擦損左，而我就拎出我帶備左既噴霧膠布出黎，幫佢噴。

當我幫佢噴完果陣，望一望阿富個樣，唔知點解佢好開心咁，佢呢個時候係望住阿琪，而阿琪係一副好擔心佢既樣。

而我，唔知點解，心中有一種好酸既感覺。