[愛情無限loop] 就係咁，我做左女神一年既備胎: １６７　你若安好

無聲無色地結束，我同阿琪同提早走左，兩個人既回家路上，都無講野，直到，送到阿琪去樓下，佢問我：「其實我咁做係未正確？」

其實佢咁樣問我，我都唔知點答，不過呢一刻我不其然咁點一點頭，然後講：「只要妳覺得咁樣做係可以幫到阿富，就得架拿。」

阿琪微笑左一下後，就上左去，而我返到屋企，望到老牛大人好興高彩烈咁睇緊電視，「返黎拿，咁夜既，係未……」我無等佢講我係未去左食女，一開口就問佢：「阿爸，我有Ｄ野想問你。」我係用一個好認真既語氣問佢。

而佢見到我咁認真，就熄左部電視，望住我後話：「講啦。」

我將阿琪同阿富既野一五一十講左比老牛大人知道，而老牛大人一聽完後，先問左我一個問題：「果個阿琪，係未你一直等既既人？」



老牛大人呢一問，我點一點頭，而佢就嘆一嘆氣，望住我話：「你咁大個仔，呢Ｄ感情事唔輪到我理，我今次就只為你兩個朋友既事做一Ｄ結論。」

我等待住老牛大人既偉論，而佢就拎左兩個杯出黎，然後就拎左支啤酒出黎話：「我地好耐都無兩仔爺飲過酒。」佢將兩個杯倒滿後，我地各飲左一啖，而飲左後，我就話：「你講得未啊？」

老牛大人放低左個杯，然後話：「其實今次你兩位朋友，都有錯。」

「都有錯？」我問。

「男方錯在，佢為左另一個女人而放棄一個就快可以結婚既女人，戒子都買好左，樓都就快買，點解唔可以安安定定咁維持一段感情呢，你明唔明白，開始一段感情係件難事，但係維持一段安定既感情，係仲難。」



我聽完之後，都感慨，因為我好明白，要維持一段感情真係好難。

「而女方錯既，係不停比假希望男方，我唔理佢最後都有向男方決斷咁拒絕，但如果佢一早咁做既話，就唔駛搞到咁多事情出黎。」老牛大人講完後，又飲左啖酒。

「阿琪係一個好心軟既女仔，可能係因為呢一點……」「你都ＯＮ撚９。」我未講完老牛大人就一句粗口車左過黎，然後話：「牛唔飲水唔撳得牛頭低你聽過未，如果一個人唔想咁做，就算真係拎支鎗去迫佢，佢都會ＳＡＹ　ＮＯ啦，傻仔，如果條女無意既話，又點會搞到呢Ｄ野出黎ＷＯ，除非……」

老牛大人呢一個除非，帶來我既疑問：「除非Ｄ咩？」

「除非佢想收兵啦！」估唔到老牛大人會咁講，「阿爸好勁ＷＯ，你又會識收兵呢個字既。」



「係你咁ＯＮ９先會唔識姐！」佢拍一拍我既頭，「阿仔，做兵會變做兵長呢Ｄ傳說，你唔係信掛。」

「你係度講咩啊阿爸，我都無做兵。」我答佢，而老牛大人就搖一搖頭，「唉，做兵既人永遠都唔會認自己係做兵既。」

其實比老牛大人咁講，我既心都有少少唔開心，我真係做緊兵咩？

「阿仔，咁你知唔知做兵大陸係點講？」老牛大人無啦啦咁問，而我就望住佢無出聲等佢出聲，過左一陣，佢用純正既普通話同我講：「備胎。」然後，就開返部電視繼續腸。

而我，就返左入房，聽住出面既電視聲，諗緊老牛大人同先講果兩個字，「備胎」，然後唔知那來既衝動，我係ＧＯＯＧＬＥ打左呢兩個字開始搜尋。

搜尋左好多結果，除左果Ｄ教人爆胎後點樣換備胎，都有好多過真係有開於我想搵既「備胎」結果，而當中一個，我就咁睇都好有感覺。

果條結果，係ＧＯＯＧＬＥ搵到但來自百度百科，「你若安好，我願備胎到老」。

唔知點解，一睇到呢一句，我就諗係張智霖果首初哥哥……唔係，係祝君好入面既其中一句



願若碰到　他比我好
只望　停在遠處　祝君安好
雖不可親口　細訴

難道，呢個會係我既結果，我唔知，亦都唔敢諗，然後，我熄左部機，返上床度訓。