[愛情無限loop] 就係咁，我做左女神一年既備胎: ２８１　一百萬

就算我自己既戶口入面，都無十萬咁多，要加我買既貯葍保險既錢先有，但係，要你為左一個唔識既人去拎呢舊錢出黎，你真係捨得？

捨得既……如果你係有錢佬既話。

捨得既……如果你同果個人有親既話。

捨得既……如果你追緊果個人既話……

但係我地而家既情況，ＨＩＴ中我頭先果講果三個條件既人，就只有金姐……ＳＵＮＮＹ都可以算係，不過其他人就……



我地成班人一聽到個銀碼真係呆左係度，呢個數，睇得出馬高只係是但講出黎，因為佢大把嘛，但我地呢班人呢？就算加晒夠比呢一次，咁下一次馬高再叫價既時候，我地可以點？

「唔通……我地……」拾拾雖然無講出聲，不過大家都知道佢想講咩。

呂晨同阿珍，好嬲，但佢地又可以講ｄ咩，本身最多野講既能利都一樣，佢都只係不停咁踢走身邊可以踢走既野，一粒聲都無，我無奈咁望一望遠方既能蟹，見到佢都好似已經放棄既狀態，我又望一望仲訓緊既ＪＵＤＹ同ＣＯＷ，如果而家ＪＵＤＹ仲醒既話，我諗佢一定會講好多粗口，ＣＯＷ就會不停係佢身邊叫佢冷靜ｄ。

七三廿一同拾拾，都好唔忿氣，但我諗而家最唔開心既人，一定係金姐，因為佢見到眼前既阿銀，好得戚咁望住我地飲緊頭先馬高買返黎，價氫五百一支既啤酒。

唔通，我地真係就咁輸比佢地？



「新既啤酒價值又有變動拿，而家去到五千一支啊！！！」五千……姐係頭先既十倍，姐係十萬可以買到２０支……

無助既我地一齊嘆氣，但係我好奇怪，點解對面既馬高既表情係咁既？係一個驚訝既表情。

我望住一個個大隻佬行到一車車啤酒前面準備推去買家果邊，姐係馬高果度，我諗，當ｄ啤酒一推到過去，我地已經可以打定輸數。

對唔住啊能蟹、對唔住啊能利、對唔住啊ＪＵＤＹ、對唔住啊ＣＯＷ、對唔住啊呂晨、對唔住啊阿珍、對唔住啊阿塔、對唔住啊七三廿一、對唔住啊拾拾、對唔住啊ＳＵＮＮＹ、對唔住啊金姐……

我閉上眼係心入面每一個人都講一次對唔住，只係望奇跡可以……出現……咦！？點解ｄ大隻佬係推ｄ啤酒黎我地度既？



我望一望我身邊既人，佢地都覺得好驚訝，驚訝既表情同馬高一樣，唔通係阿塔搞鬼？但我望一望阿塔果邊，佢一副不知情既樣，我可以肯定一定唔係佢。

「……你地？」我只係問左好簡單既兩個字，但係佢地都搖頭話唔知，直到，我見到佢地兩個出現，我先知道發生左咩野事。

奇跡真係會降臨，而且係我女神帶黎比我既。

「呢位先生出成一球，所以啤酒既價值創新高啊。」唔知邊度黎把聲講解，我無理，我只係望住眼前呢兩個人，阿琪同藍臣。

「點解？」我問阿琪。

「我頭先一拎到電話，一睇你地既ｍｓｇ就即刻趕過黎，好彩趕得切。」阿琪話，然後打左我一下，「點解你唔應機？」

「我？」我拎部電話出黎，原來頭先鬥飲果陣，阿琪而家不停ｓｄ　緊ｍｓｇ比我，係我訓低左果陣都有，再睇一睇個ｇｒｏｕｐ，原來阿琪見我無覆ｍｓｇ，一早係ｇｒｏｕｐ到問左其他人我地係邊。

「今次我原諒你，但無下次架拿。」阿琪話，然後就同藍臣講：「你繼續幫我朋友先，今日既事，就解決左果個人後先再講。」