[愛情無限loop] 就係咁，我做左女神一年既備胎: ６　妳的名字

當去到交收地點，阿珍電話又響起，「喂……到左拿我……咩話，妳要遲多少少，因為唔識路？好啊無問題啊。」

「咁搞笑既，地點佢又話ＯＫ，但可以唔識路都有既。」我話。

「咁人地係女仔黎架嘛。」阿珍答返我。

「咁女仔就可以唔識路架拿？」我反問返佢。

「未係囉。」阿塔佢附和我。



阿珍聽到後就話：「你地都無紳士風度既。」

而就係我地係度吵吵鬧鬧果陣，我見到人群之中有一個女仔，好熟口面，再望真Ｄ，原來係我果位女神。

我當堂成個人唔自在，我再望一望佢，佢四圍望好似搵緊人咁。就係突然間，我同佢對到眼，而佢仲向我呢方向揮手。

「阿琪，我地係呢度啊。」阿珍話。

就係咁，我就知道佢叫做阿琪。