[愛情無限loop] 就係咁，我做左女神一年既備胎: １４０　係未岩呢？

當一個人失戀既時候，點都會有Ｄ傷心，但唔知點解，阿富望落去好似無呢Ｄ感覺，而且，仲好似好開心咁。

可能，因為佢可以再接近阿富掛……

佢分手之後果日，約左阿琪夜晚出去食俊，而阿琪果日既下午就搵左我出去。

係一間茶餐廳入面，坐係我前面既阿琪已經嘆左好多次氣，而佢嘆氣既原因，我當然知道啦。

「如果妳今日唔想去既話，可以唔去架。」我話，但阿琪就嘆一啖氣後答：「如果我唔去，佢由會不停咁ＳＤ　ＭＳＧ比我架拿。」



「唉……」呢個嘆氣，係來自我既，因為見到佢咁，我都唔知點解佢要自己拎苦黎呻。

「今晚黎都要陪我架。」阿琪話。

「妳意思話回ＭＳＧ？」我問佢。

「係啊。」佢答。

「妳同阿富食飯就專心Ｄ同佢食啦，唔好掛住玩電話啊。」我係用一個開玩笑既諗法去講呢一番話，但最笑唔出既，係自己。



阿琪聽到我咁講後，笑左笑答我：「我同阿富都無計傾既，次次未我佢講，我只係負責聽。」

「妳搵下話題囉。」我話。

「對住佢，我真係唔想搵話題。」阿琪答完後，又啖左啖氣，見係咁，又要出果招，「乖啦，唔好嘆氣啦，搵妳食野拿，啊大個口先。」

阿琪見到我咁，就扮左一副好委屈既表情啊打個口，食左我喂佢果啖野，而我就話：「喂豬～」

阿琪聽到後笑左一下然後反駁：「豬邊到會有咁靚啊。」



見佢有返Ｄ精神，我都反駁佢：「那來的自信。」

係一陣笑聲下，阿琪無啦啦講左一句：「如果阿富係好似你咁既話，可能，我都會同佢一齊。」

我唔知佢呢一句係無心之失，定係話中有玄機，咩叫如阿富係好似我咁？如果妳覺得我同妳夾既話，點解唔同我一齊？

我唔敢問佢，因為我怕而家呢一刻問佢，只會增加佢既煩惱。

「今個星期六得唔得閒啊？」阿琪問我。

「都得啊，咩事？」我問返佢。

「上次話陪我買化妝品嘛，咁快唔記得。」阿琪扁咀答我。

「記得……不過唔知果日阿富會唔會約妳呢？」我誚笑咁問。



「作死你啊，打得少啊。」阿琪講完之後打左我一下，然後一齊笑得好大聲。

當晚，如阿琪所講既一樣，佢有去陪阿富食飯，只係不停咁玩佢部電話，同不停ＳＤ好多野食相比我，我望住佢一個又一個既ＭＳＧ，心諗，其實，我咁做係未岩呢？而阿琪咁做，亦係未岩呢？